LEVEL UP SA SERBISYO NOVEMBER 6, 2024
Dako gyud kaayo ang atong pasalamat kang Cong. Maricar Zamora tungod sa iyang walay puas nga suporta alang sa Compostela. Sa mga proyekto ug programa nga dako kaayo gyud ug natabang sa kaayohan ug kalambuan sa atong lungsod. Sa ngalan sa katawhan sa Compostela, akong ipadayag ang among kinasingkasing nga pasalamat kanimo, Cong. Maricar Zamora alang sa imong dedikasyon ug tinud-anay nga serbisyo para sa among lungsod. Daghang salamat!
Usa na usab ka adlaw ang atong pagtigomtigom karon alang sa Peace Keepers Payout sa mga Barangay San Jose, New Alegria, Lagab, San Miguel ug Aurora nga kanunay natong ginasuportahan uban sa tabang sa atong Congresswoman Maricar Zamora ug ang lokal nga panggamhanan. Dili masukod ang akong pagpasalamat sa inyong sakripisyo; ang inyong dedikasyon naghatag kalig-on ug kasigurohan sa atong lungsod.
Kauban si Vice Mayor Ricky Hechanova, Team LEVelUP, ug ang espesyal nga bisita nga sila Engr. Paul Galicia, Kons Tata Basañes ug Atty. May Codilla nga kauban nato sa pagpakita ug pag-ila sa ilang mga paningkamot para sa kahapsayan sa ilang mga komunidad.
Tungod sa walay pagduha-duhang suporta sa atong Congresswoman Maricar Zamora, kita padayon nga nagmugna ug mga programa nga makatabang sa inyong panginahanglan. Kini usa ka pruweba nga ang inyong mga sakripisyo dili lamang gibati apan gitubag pinaagi sa serbisyo alang sa tibuok Compostela. Magpadayon kita sa atong misyon para sa mas malinawon ug mas malig-on nga lungsod. Daghang salamat kaninyong tanan ug padayon ta sa pakig-uban alang sa kaayohan sa tanang compostelaños.
Sa pila ka tuig, usa sa mga problema sa mga problema sa Sitio Tagbaka ang ilang dalan padulong sa ilang mga uma. Gisulayan nato ug pasulod sa atong mga equipo pero di gyud kasulod. Karon malipayon natong gi announce na mapangitaan na gyud natog paagi ug personal natong gitunol ang payment daan sa pag trabaho gikan kay Engr Raul Mabanglo. Salamat kaayo Engr sa imong tabang sa among mga taga Compostela!