𝐋𝐄𝐕𝐞𝐥𝐔𝐏 𝐬𝐚 𝐒𝐞𝐫𝐛𝐢𝐬𝐲𝐨𝐧𝐠 𝐄𝐩𝐞𝐤𝐭𝐢𝐛𝐨 | 𝐁𝐚𝐫𝐚𝐧𝐠𝐚𝐲 𝐍𝐞𝐰 𝐀𝐥𝐞𝐠𝐫𝐢𝐚

Malipayon natong gitambungan ang pinakaunang pagpahigayon sa LEVelUp sa Serbisyong Epektibo (LSE) Program didto sa Barangay New Algeria, Compostela, Davao de Oro.

Kini usa sa atong mga programa nga atong gipahitabo atol sa 55th Araw Celebration sa Barangay New Algeria.

Adunay mga nagkadaiyang serbisyo nga gi-offer sa atong LSE nga gikan gayud sa mga opisina sa atong Lokal nga Panggamhanan. Unya, aduna pud kitay “Operation Tuli” ug “Dental Services” nga gipahitabo. Nagparaffle pud kita alang sa mga katawhan sa Barangay New Algeria.

Dako gayud ang atong kalipay sa malampuson nga pagpahigayon sa atong LSE tungod kay usa kini sa mga programa sa atong munisipyo aron mapaabot sa atong mga katawhan ang ilang mga gikinahanglan nga serbisyo.