LEVEL UP SA SERBISYO APRIL 1, 2024
Visit on some projects
Misuroy kita sa pipila ka mga projects nga atong na giimplementar sama sa Revetment Project sa sapa sa Purok 9, Poblacion duol sa Prince Hypermart ug kini usa sa atong gitutokan isip kabahin sa atong implementasyon sa Drainage Plan sa Compostela. Kay mamahimo kini nga makatabang aron mahinay-hinay ug sulbad ang grabi nga epekto sa baha sa atong lungsod.
Giadtoan pud nato ang sa Purok 9, Poblacion duol sa Crossing Indang kay aduna puy pipila ka nga kabalayan ang gikinahanglan nga marelocate kay apekto pud sila sa implementasyon sa atong drainage plan.
Gibisitahan pud nato ongoing nga House Construction sa LEVELUP Village sa Baclog, Osmeña aron makita ang progreso sa maong proyekto.
Malipayon kaayo ta kay nagsugod na gayud ang pag-implementar sa atong mga proyekto ug kini dako gayud ug kahimuan alang sa katawhan sa Compostela ilabi na gayud ang atong pagplastar niadtong katawhan nga anaa sa atong danger zones.
Dili pud kita mohunong sa atong tiunay ug kinasing-kasing nga pagpasalamat sa dakong suporta sa atong Congresswoman Maria Carmen S. Zamora tungod kay sa iya gayud nga inisyatibo nakaimplementar kita sa atong Drainage Master Plan.
Laoman sa mga Compostelaños nga kaming inyong mga Opisyales kauban sa tabang ni Cong. Maricar Zamora padayon nga maningkamot aron mahatagan gayud ang katawhan sa mga tukma nga programa ug proyekto nga ilang gikinahanglan.
City Government Davao – PhP 300,000.00
Personal natong gidawat ang usa ka cheque gikan sa City Government Davao nga nagkantidad ug Three Hundred Thousand Pesos (PhP 300,000.00) nga gitunol kanato ni PLTCOL ALFREDO D BALORAN, CDRRM Officer.
Mapasalamaton kaayo ta sa City Government of Davao thru Mayor Sebastian Duterte sa pagpaabot gayud ug tabang alang sa Compostela ug kini mamahimo natong maggamit sa atong recovery programs tungod kay dako gayud ang namahimong kadaot sa milabay nga kalamidad sa atong munisipyo.
(TUPAD) Program Payout – Barangays Poblacion, Bagongon ug Aurora
Nahimo kitang representante ni Congresswoman Maria Carmen S. Zamora atol sa gipahitabo nga 𝑻𝒖𝒍𝒐𝒏𝒈 𝑷𝒂𝒏𝒈𝒉𝒂𝒏𝒂𝒑𝒃𝒖𝒉𝒂𝒚 𝒔𝒂 𝑨𝒕𝒊𝒏𝒈 𝑫𝒊𝒔𝒂𝒅𝒗𝒂𝒏𝒕𝒂𝒈𝒆𝒅/𝑫𝒊𝒔𝒑𝒍𝒂𝒄𝒆𝒅 𝑾𝒐𝒓𝒌𝒆𝒓𝒔 (TUPAD) Program Payout alang sa mga benepisyaryo gikan sa Barangays Poblacion, Bagongon ug Aurora.
Kini nga programa gikan sa pundo sa Department of Labor and Employment (DOLE) thru the initiative of Cong. Maricar Zamora.
Busa, mapasalamaton kita sa padayon ug walay puas nga suporta sa atong mapinanggaon nga inahan sa Distrito Uno sa Davao de Oro aron matabangan ang katawhan sa Compostela.