SEPTEMBER 19, 2022 ACTIVITY POST
BSP Coordinators
Karung adlawa, gitambungan sa atong Mayor Levi S. Ebdao ang gipahigayon nga Meeting sa mga nagkadaiyang BSP Coordinators gikan sa tanang pampublikong tulunghaan sa Lungsod sa Compostela nga gi-initiate sa atong Municipal BSP Coordinator, Sir Emelito Quijano didto sa Conference Room, 2nd Floor of the Office of the Municipal Mayor.
Kini nga meeting gipahigayon aron paghisgot sa mga posibleng plano alang sa pagahitaboon nga BSP Municipal Jamboree sa atong municipyo.
Mapasalamaton ang atong Mayor Levi Ebdao sa hugot nga suporta sa atong mga School BSP Coordinators pinaagi sa pagtambong sa maong meeting.
Barangay Gabi Courtesy Call
Karung adlawa, malipayong giabi-abi sa atong Mayor Levi S. Ebdao ang mga opisyales sa Barangay Gabi pinanguluhan sa ilang Punong Barangay, Hon. Norbert Lejano nga nagpahigayon ug Courtesy Call didto sa iyang opisina.
Gipaabot sa atong Mayor Levi Ebdao ang iyang hugot nga suporta alang sa Barangay Gabi pinaagi sa pag-implementar ug mga programa ug proyekto nga haom gayud sa panginahanglan sa mga katawhan sa maong barangay.
Moral Recovery Program (MRP) and Convocation
Karung adlawa, ang Lokal nga Panggamhanan sa Lungsod sa Compostela pinanguluhan sa atong Mayor Levi S. Ebdao kauban ang LGU Employees, PNP Compostela Officers, BFP Compostela Officers ug GIP Grantees nagpahigayon ug Moral Recovery Program (MRP) ug Convocation didto sa atong Municipal Gymnasium.
Human sa atong Convocation, gipahigayon ang short program alang sa pagsugod sa mga nagkadaiyang aktibidades sa atong pagselebrar sa ika-122nd Philippine Civil Service Anniversary.