JANUARY 23, 2023 ACTIVITY POST
Barangay Officials and Functionaries sa Barangay Lagab
Karung adlawa, malipayong giabi-abi sa atong Mayor Levi S. Ebdao ang Barangay Officials and Functionaries sa Barangay Lagab headed by their Punong Barangay, Hon. Salvador Almilla nga nagpahigayon ug Courtesy Call didto sa iyang Garden Office.
Gipaabot sa atong Mayor Levi Ebdao ang iyang padayon nga suporta alang sa Barangay Lagab pinaagi sa pag-implementar ug mga programa ug proyekto nga haom gayud sa panginahanglanon sa katawhan sa maong barangay.
Mr. Domingo Juntilla and Ms. Maricel Aunzo
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Domingo Juntilla ug Ms. Maricel Aunzo didto sa atong Municipal Garden.
Sa mensahe sa atong Mayor Levi Ebdao sa managtiayon, iyaha gayung gipasabot ang kamahinungdanun sa pagsalig, panaghiusa ug panagsinabtanay aron nga magpabilin ang kalinaw diha sa pagpuyo sa usa ka pamilya.
Matod pa sa atong Mayor Levi Ebdao dili igo ang gugma aron magpabilin ang kalinaw diha sa panag-uban sa bana ug asawa kon dili gikinahanglan nga buhaton sa matag usa ang ilang tagsa-tagsa ka obligasyon.
Congratulations and best wishes to Mr. and Mrs. Domingo and Maricel Juntilla!
Entrepreneurship Students sa Davao de Oro State College-Main Campus
Karung adlawa, personal nga nahinabi sa atong Mayor Levi S. Ebdao ang Entrepreneurship Students sa Davao de Oro State College-Main Campus nga mipaabot sa ilang concern kabahin sa ilang Business Product Proposal.
Giaksyonan dayun sa atong Mayor Levi Ebdao ang ilang concern ug mapasalamaton ang maong estudyante sa dakong suporta sa atong Mayor sa ilang mga panginahanglanon.
Gipaabot gayud sa atong Mayor Levi Ebdao nga andam siya sa kanunay nga mosuporta sa atong mga kabataan ning Lungsod nga naningkamot gayud nga makalampos sa ilang pagtoon kay usa gayud sila sa mamahimong dakong parte sa atong kalambuan.