LEVEL UP SA SERBISYO APRIL 11, 2024
Distribution of Family Kits, Hygiene Kits, Food Packs ug Shelter Repair Tools
Karung adlawa, mipahigayon kita ug Distribution of Family Kits, Hygiene Kits, Food Packs ug Shelter Repair Tools alang sa katawhan sa Barangay Aurora katong grabi ang nahimong epekto sa nilabay na dakong baha sa ilang panimalay ug mga pangkinabuhian. Kauban nato diria ang personahe gikan sa atong DRRMO, MSWDO ug CADS nga maoy mi-assist sa atong distribution. Kining maong mga kits gikan sa OCD isip tabang niadtong apektado sa pag baha.
Atong nakita ang sitwasyon gayud sa mga kahumayan sa maong lugar nga grabi gayud ang epekto sa milabyang dakong baha sa Compostela.
Maningkamot gayud kita nga makapangita ug pundo sa atong LGU aron atong matabangan ang mga mag-uuma aron marehabilitate ang ilang kahumayan ug sa hinay-hinay makabangon gayud sila sa dakong kadaot nga ilang nasinatian.
Visit – Purok 6 ug Purok 9 Poblacion
Mibisita kita sa Purok 6 ug Purok 9, Poblacion aron atong makita ug masubay ang atong mga katawhan sa maong mga purok.
Sa atong pagbisita sa Purok 9, Poblacion atong gilantaw ang pagabuhaton nga dalan sa maong lugar ug diin pipila gayud ka kabalayan ang maapektohan ug gikinahanglan nga mabalhin.
Nakita usab nato nga sa pagmugna ug dalan paingon sa Purok 6 Gymnasium adunay maapektohan usab maong gikinahanglan nato kining plastaron ug mapasabot sa hingtungdan ang kamahinungdanon sa maong dalan.
Mapasalamaton ta sa katawhan sa Purok 6 ug Purok 9 Poblacion sa ilang padayon nga pananghiusa aron mas mapalambo ang ilang Purok.
Atong paningkamotan nga uban sa tabang ni Congresswoman Maria Carmen S. Zamora atong mahatagan ug proyekto ang atong kapurokan nga makatabang gayud sa katawhan.