LEVEL UP SA SERBISYO APRIL 2, 2024
Signing sa Memorandum of Agreement – Kilabot Elementary School
Mibisita kita kauban ni Municipal Vice-Mayor Ricky P. Hechanova, mga Konsehales, Kapitan Vicente Damalerio of Barangay Ngan, ug Dr. Maroja R. Belisario, PSDS of DepEd Compostela East District sa Kilabot Elementary School ug nahimo kitang kabahin sa gipahitabo nga Signing sa Memorandum of Agreement sa maong tulunghaan.
Mipaabot pud ang atong LGU ug relief goods alang sa mga katawhan sa Sitio Kilabot, Ngan isip atong tabang alang kanila ug atong nadungog ang mga mulo sa atong mga katawhan sa Purok 16 Sitio Kilabot, para atong mahibalan ug atong mapalihokan ug uban pang bahin nanginahanlan hatagan ug pansin aron mahatagan natog mga kasulbaran ang mga yangongo sa atong mga katawhan sa Sitio Kilabot.
Mapasalamaton ta kanunay sa gipakitang suporta sa atong mga Opisyales inubanan sa tabang sa atong mapinanggaon nga inahan sa Distrito Uno sa Davao de Oro, Congresswoman Maria Carmen S. Zamora aron atong mapaabot ang panginahanglanon sa atong mga katawhan ilabi na gayud sa Sitio Kilabot.
Purok Chairpersons sa Barangay Mangayon – Courtesy Call
Malipayon natong giabi-abi ang Purok Chairpersons sa Barangay Mangayon nga mipahigayon ug Courtesy Call didto sa atong opisina.
Kini aron pagpaabot kanato sa ilang mga panginahanglanon nga mao pud ang gimulo sa ilang mga katawhan sa matag purok.
Mapasalamaton kaayo ta sa atong nga Purok Chairpersons in partnership sa atong Barangay Officials nga dako kaayo ang namahimong kabahin aron atong mapaabot sa atong mga katawhan ang mga programa ug proyekto nga haom gayud sa ilang gikinahanglan.