APRIL 25, 2023 ACTIVITY POST
Inspection sa 16 ka Rescue Vehicles
Karung adlawa, malipayong nahimamat sa atong Mayor Levi S. Ebdao Si Engr. Roldan A. Sabanal, Technical Audit Specialist II gikan sa Commission on Audit (COA) Region XI nga mipahigayon ug Inspection sa 16 ka Rescue Vehicles nga gihatag sa atong LGU Compostela ngadto sa kabarangayan.
Tumong niining maong inspection nga masuta ang estado sa mga rescue vehicles kon kini functional ug misunod ba gayud sa mga tukmang papeles sa pagpalit niini. Gisusi usab sa maong inspection ang kasamtangang papeles nga gigunitan sa atong Munisipyo ug sa Barangay lakip na ang lisensya sa namahimong driver sa rescue vehicle.
Busa, mapasalamaton ang atong Mayor Levi Ebdao sa suporta sa atong LGU concerned offices ug mga Punong Barangays diri sa Compostela aron magmalampuson ang maong inspection.
Mr. Altaf Bhimani and Ms. Lesly Pono
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Altaf Bhimani and Ms. Lesly Pono didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iya gayung gipasabot ang kabililhon sa pagsalig ug paghigugmaay aron magpabilin ang kalinaw ug kalipay diha sa pagpuyo sa usa ka pamilya.
Congratulations and best wishes Mr. and Mrs. Altaf and Lesly Bhimani!