LEVEL UP SA SERBISYO APRIL 8, 2024
Food Packs alang sa atong Islam Community
Karung adlawa, nagpahigayon kita ug pagpanghatag Food Packs alang sa atong Islam Community sa Purok 14, Barangay Poblacion kauban ang Municipal Vice-Mayor, Hon. Ricky P. Hechanova inubanan sa atong mga Sangguniang Bayan Members, PNP Compostela headed by PLTCol Gomersendo Diwata II, Chief of Police, MSWDO ug CADS. Kining maong food packs gikan atong DSWD thru the initiative sa atong Congresswoman Maria Carmen Zamora
Malipayon kita sa walay puas gayud nga suporta ni Cong. Maricar Zamora kay nahatagan gayud ug ayuda ang atong mga katawhan.
Salamat sa kanunay Cong. Maricar Zamora sa padayon nga pagpangga ug pagmahal sa Compostela tungod kay nahimo kining maayong sumbanan alang kanamo isip mga Opisyales aron mahatag namo sa katawhan ang tinud-anay ug ligdong nga pagpanerbisyo nga alang gayud sa tanan.
Planning Meeting – Araw ng Compostela
Isip pagpangandam sa atong pagselebrar Araw ng Compostela, mipahigayon kita ug Planning Meeting kauban ang nagkadaiyang Heads of Offices aron sa hinay-hinay maplastar nato ang mga aktibidades alang sa maong selebrasyon.
Atong paningkamotan nga karung tuiga mahatagan nato ug dakong importansiya ang pagpabibo sa Araw ng Compostela ug matabangan pud nato ang mga negosyante aron makaincome tungod kay dako pud kini ug kahimuan sa pagpalambo sa ekonomiya sa atong munisipyo.
Karun pa lang daan, mapasalamaton na kita sa gipaabot nga tabang sa atong mapinanggaon nga inahan sa Distrito Uno sa Davao de Oro, Congresswoman Maria Carmen S. Zamora aron mamahimong memorable ang selebrasyon sa ika- 76th Araw ng Compostela and 18th Buganihan Festival.
Enhanced Municipal Development Council (EMDC)
Kauban ang Enhanced Municipal Development Council (EMDC) sa atong LGU mipahigayon kita ug Meeting didto sa atong New Mayor’s Office Function Hall.
Sa maong Meeting atong gipresenta ang atong mga funded PPAs nga maoy gibudgetan nato sa Supplemental Budget No. 1 CY 2024 sa atong LGU.
Mapasalamaton kita sa suporta sa atong mga miyembro sa EMDC ilabi na gayud sa atong mga Kapitanes ug CSOs sa paghatag ug higayon aron magmalampuson ang maong meeting.
Courtesy Call – Dasig San Jose Youth Association and 4-H Club
Mipahigayon ug Courtesy Call sa atong opisina si Mr. Cris King Dela Vega, representante sa Dasig San Jose Youth Association and 4-H Club Compostela nga namahimong Head Category-Champion sa Regional Excellence Achievers Award sa milabayng 4-H Regional Youth Camp.
Malipayon ug mapasalamaton kaayo ta kay kini dakong Garbo napud sa Compostela ug diri mapakita sa atong kabat-onan ang ilang dakong pagpaningkamot aron mamahimo silang maayong ehemplo diha sa katilingban.
Atong gipaabot ang atong dakong pagtimbaya sa Dasig San Jose Youth Association and 4-H Club Compostela sa dakong kalampusan nga ilang nadawat ug atong ipasalig nga padayon ang atong suporta aron mas mapalambo pa ang maong mga organisasyon.