AUGUST 14, 2023 ACTIVITY POST
Executive Market Committee (EMC) – Meeting
Kauban ang atong Executive Market Committee (EMC) sa Lokal nga Panggamhanan sa Lungsod sa Compostela, mipahigayon kita ug Meeting didto sa Conference Room, 2nd Floor sa Office of the Municipal Mayor.
Kiki aron paghisgot sa kasamtangang estado ug sitwasyon sa atong economic enterprises diri sa Compostela.
Apil sa namahimong update nga atong nadungog sa maong meeting ang positibo nga resulta sa atong Night Market sa milabayng selebrasyon sa Araw ng Compostela.
Mapasalamaton kita sa suporta sa miyembro sa atong EMC alang sa kalampusan sa atong Meeting.
San Miguel Elementary School – Courtesy Call
Malipayon natong naabi-abi ang mga magtutudlo sa San Miguel Elementary School pinanguluhan sa ilang abtik nga Principal, Maam Marilyn Celada nga mipahigayon ug Courtesy Call didto sa atong opisina.
Ilang gipaabot kanato ang mga gikinahanglan sa ilang tulunghaan ilabi na gayud karung panahona nga opisyal nga nagsugod ang Brigada Eskwela SY 2023-2024.
Atong gipasalig nga andam ang atong LGU nga mohatag sa atong suporta alang sa San Miguel ES tungod kay dako ang ilang namahimong kabahin sa paglambo sa edukasyon sa atong mga kabatan-onan.
Opening Ceremony sa Brigada Eskwela sa Compostela Central Elementary School-SPED Center
Mitambong kita isip representante ni Congresswoman Maria Carmen Zamora sa Opening Ceremony sa Brigada Eskwela sa Compostela Central Elementary School-SPED Center. Kauban nato diri ang atong PSDS Dr. Maroja Belisario ug mga stakeholders from the different agencies and institutions.
Sa atong mensahe, atong gipaabot sa atong nga magtutudlo ang atong pagpasalamat sa nahimong suporta sa atong mga tulunghaan sa atong mga aktibidades sa LGU.
Gipasalig nato nga padayon nga suportahan ang atong mga eskwelahan ilabi na gayud nga sila ang namahimong partner sa atong LGU aron masiguro nga ang atong mga kabatan-onan mahatagan ug dekalidad nga edukasyon.
