AUGUST 15, 2023 ACTIVITY POST
Switch-on Ceremony alang sa Sitio Electrification Program (SEP) sa Purok 8, Barangay Osmeña
Mitambong kita kauban ang tibook opisyales sa Barangay Osmeña pinanguluhan ni Kapitan Lolito Pavia sa gipahigayon nga Switch-on Ceremony alang sa Sitio Electrification Program (SEP) sa Purok 8, Barangay Osmeña.
Grabi gayud ang kalipay ug pagpasalamat sa atong mga katawhan sa Purok 8, Osmeña nga sulod sa onse ka tuig nahatagan ra gayud sila sa ilang gipangandoy nga magka-kuryente.
Kini usa sa mga programa sa atong NORDECO nga suportado gayud sa atong inahan sa Distrito Uno sa Davao de Oro, Hon. Maria Carmen Zamora ug LGU Compostela aron mahatagan ug kahayag ang atong mga kabalayan nga dugay-dugay na gayud nangandoy nga adunay kuryente.
Mapasalamaton kita kay Congresswoman Maria Carmen Zamora sa iyang gihatag nga pundo alang sa SEP ug sa Punong Barangay sa Osmeña nga si Hon. Lolito Pavia sa pag proseso sa gikinahanglan nga papeles alang sa maong programa.
Padayon nga maningkamot ang atong LGU nga sa hinay-hinay masulbad ang problema sa atong nga kasitiohan nga hangtod karun wala pay kuryente pinaagi ning SEP Program.
Regular Monthly Meeting – PESO Managers DDO
Mibisita kita sa gipahigayon nga Regular Monthly Meeting sa mga PESO Managers sa tibuok Davao de Oro hosted by the Municipality of Compostela.
Malipayon kita nga atong nahimamat usab ang mga PESO Managers sa nagkadaiyang Munisipyo ug ahensya sa Davao de Oro.
Mapasalamaton kita sa gihatag nga kahigayonan aron ang atong Munisipyo maoy mihost karung bulana sa ilang gipahigayon nga meeting.