DECEMBER 21, 2022 ACTIVITY POST
Solar Streetlight Project
Giubanan sa atong Municipal Vice-Mayor/OIC- Mayor, Hon. Ricky P. Hechanova ang mga personahe gikan sa Provincial Engineering Office nga nagpahigayon ug site inspection and validation alang sa Solar Streetlight Project nga ihatag sa Provincial Government of Davao de Oro thru our Provincial Governor, Hon. Dorothy Montejo-Gonzaga alang Barangay Poblacion.
Mapasalamaton ang atong OIC- Mayor Hon. Ricky Hechanova sa maong proyekto tungod kay dako na gayud kinig ikatabang alang sa atong lungsod.
Turnover Ceremony sa One (1) Unit Crawler Type Backhoe
Gitambungan sa atong Municipal Vice-Mayor/OIC-Mayor, Hon. Ricky P. Hechanova ang gipahitabo nga Turnover Ceremony sa One (1) Unit Crawler Type Backhoe ngadto sa Federation of Batutu River Irrigators Association (FEBRIA).
Kining maong ekwipo gipunduhan gayud sa atong Lokal nga Panggamhan karung tuiga aron makatabang alang sa atong mga mag-uuma nga adunay mga kahumayan.
Early Childhood Care Development (ECCD) Year-end Activity
Malipayong gitambungan sa atong Municipal Vice-Mayor/OIC-Mayor, Hon. Ricky P. Hechanova ang Early Childhood Care Development (ECCD) Year-end Activity didto sa O’George Function Hall, Poblacion.
Gipaabot sa atong OIC-Mayor, Hon. Ricky Hechanova ang iyang dakong pagpasalamat ngadto sa atong mga Child Development Workers sa ilang walay puas nga pagpaningkamot alang sa kaugmaon atong mga kabataan.
Handog Paglaum-AICS Cash Assistance Payout
Karung adlawa, gibisita sa atong Mayor Levi S. Ebdao ang gipahigayon nga Handog Paglaum-AICS Cash Assistance Payout didto sa Municipal Gymnasium.
Ang namahimong benepisyaryo niining maong programa mao ang mga Pastors, GKK President, Kaabag, LGBT ug Market Vendors ning atong Lungsod.
Busa, mapasalamaton kita sa Tingog Partylist ug kay Congresswoman Maria Carmen Zamora sa paghatag niini nga programa alang sa katawhan sa Lungsod sa Compostela.