LEVEL UP SA SERBISYO FEBRUARY 12, 2024
Compostela Agriculture Sector Meeting
Mitambong kita sa gipahigayon nga Compostela Agriculture Sector Meeting didto sa atong Conference Room.
Nahisgotan sa maong meeting ang mga stratehiya nga gikinahanglanan aron matabangan ang atong mga mag-uuma nga maoy usa sa mga sector nga grabing naapektohan sa dakong baha sa Compostela.
Atong paningkamotan nga sa dili madugay mahatagan na natog tukmang intervention ang atong Agriculture Sector tungod kay sila ang namahimong katambayayong sa atong LGU alang sa kalambuan.
Relief Goods Distribution – Barangay Mangayon
Malampuson ang pagpahigayon sa atong Relief Goods Distribution alang sa katawhan sa Barangay Mangayon kauban ang atong Congresswoman Maria Carmen S. Zamora ug ang Opisyales sa Barangay Mangayon headed by Kapitan Evan Fuentes. Mi-assist usab kanato sa pagpanghatag ang atong personahe gikan sa Bravo “BLAZER” Company 25th IB, Compostela Municipal Police Station, Municipal Social Welfare and Development Office ug Community Affairs Development and Services.
Kining maong relief goods namahimong nadawat sa Compostela tungod sa inisyatibo ug pagkugi sa atong inahan sa Distrito Uno sa Davao de Oro, Congresswoman Maria Carmen Zamora nga padayon gayud nga naglantaw ug misuporta sa taga Compostela.
Salamat kaayo Cong. Maricar Zamora sa imong padayon nga pagmahal ug tabang sa Compostela tungod kay mas nakadasig kini kanamong mga Opisyales nga magkugi ug mas maningkamot alang sa kaayohan sa katawhan.