LEVEL UP SA SERBISYO FEBRUARY 15, 2024
Capability Building – Barangay Captains
Mibisita kita sa gipahigayon nga Capability Building on Early Childhood Care and Development Program Management for Barangay Captains and Orientation on Positive Discipline for Child Development Workers didto sa atong Conference Room.
Atong gipasalamatan ang opisina sa atong Municipal Social Welfare and Development sa pag-initiate niining maong aktibidad alang sa atong mga Opisyales sa Barangay ug mga Child Development Workers tungod kay makatabang kini aron ilang masabtan ang kabililhon sa early childhood care aron mas maplastar ang pagtuon ug pagtubo sa kahibalo sa mga kabataan apil na niini ang paghatag ug hustong disiplina kanila.
Padayon kitang maningkamot uban sa atong mga Opisyales nga atong mahatagan ug prioridad ang mga programa ug proyekto alang sa atong mga kabataan tungod kay atong nakita nga ang pagplastar ug pagdisplina sa gagmay pa sila dako ug kahimuan sa ilang maayong pagdako ug mamahimong silang maayong panulundon diha sa komunidad.
Courtesy Call – Agriculture Society sa Davao de State College-Main Campus
Mipahigayon ug Courtesy Call sa atong opisina ang miyembro sa Agriculture Society sa Davao de State College-Main Campus.
Kini aron magpaabot sa ilang mga panginahanglanon alang sa ilang moabutay nga aktibidad nga pagahitaboon sa DDOSC Maragusan Campus nga mao ang Deans’ Association of Agricultural Schools, Inc. (DAASI).
Atong gipasalig nga andam kaayo ang atong LGU nga mosuporta tungod kay makabang kini aron mas mabansay ang kahibalo sa atong mga estudyante sa perspektibo sa agrikultura.