FEBRUARY 20, 2023 ACTIVITY POST

Payout sa Assistance to Individuals in Crisis Situation (AICS) Program sa Department of Social Welfare and Development (DSWD)

Karung adlawa, gitambungan sa atong Mayor Levi S. Ebdao kauban ang Department of Social Welfare and Development Secretary Rex Gatchalian, Congresswoman Maria Carmen Zamora, Vice-Governor Jayvee Tyron Uy, 1st District of Davao de Oro Senior Board Member Herv Martelle Apsay, Mayor Manuel “Way Kurat” Zamora of Monkayo, DSWD XI Regional Director, Atty. Vanessa Goc-ong ug Municipal Officials ang gipahigayon nga Payout sa Assistance to Individuals in Crisis Situation (AICS) Program sa Department of Social Welfare and Development (DSWD) didto sa atong Municipal Gymnasium.

Ang namahimong benepisyaryo niining maong programa mao kadtong mga negosyante nga naapektohan sa nahitabong linog last February 1, 2023.

Busa, mapasalamaton gayud ang atong Mayor Levi Ebdao sa atong DSWD Secretary Rex Gatchalian and Congresswoman Maria Carmen Zamora sa ilang gihatag nga ayuda ug suporta alang sa atong mga negosyante tungod kay usa gayud sila sa namahimong katambayayong sa atong Lokal nga Panggamhanan sa pagkab-ot sa kalambuan.

KALAHI Project Evacuation Center

Karung adlawa, giubanan sa atong Mayor Levi S. Ebdao ang Department of Social Welfare and Development Secretary Rex Gatchalian kauban ang atong Congresswoman Maria Carmen Zamora, Vice-Governor Jayvee Tyron Uy, 1st District of Davao de Oro Senior Board Member Herv Martelle Apsay, Mayor Manuel “Way Kurat” Zamora of Monkayo, DSWD XI Regional Director, Atty. Vanessa Goc-ong ug Municipal Officials nga mipahigayon ug actual visitation sa KALAHI Project nga Evacuation Center didto sa Purok 4, Poblacion, Compostela, Davao de Oro.

Malipayon ang atong Mayor Levi Ebdao kay nakita gayud sa atong DSWD Secretary Rex Gatchalian nga hapsay ug na-implementar gayud ug maayo ang mga proyekto funded sa atong DSWD ug kini makahatag gayud ug tabang sa atong mga katawhan sa maong purok panahon sa kalamidad.