LEVEL UP SA SERBISYO FEBRUARY 26, 2024
Municipal Community-Based Monitoring System Coordinating Board (MCCB)
Mitambong kita sa gipahitabo nga Meeting sa atong Municipal Community-Based Monitoring System Coordinating Board (MCCB) didto sa atong Conference Room.
Gipresentar sa maong meeting ang namahimong resulta sa atong milabayng Community Based-Monitoring System (CBMS).
Mapasalamaton ta sa kalampusan sa atong CBMS in partnership with PSA Davao de Oro thru Sir Abraham Enrico Gulay, Chief Statistical Specialists.
Manghinaot kita nga pinaagi sa data nga na gather sa atong CBMS atong mahatagan ug prioridad ang mga gikinahanglan nga programa ug proyekto sa atong katawhan.
Karung adlawa, padayon ang atong paghigayon ug Relief Goods Distribution sa Barangay Maparat kauban ang atong Municipal Vice-Mayor, Hon. Ricky Hechanova, mga Konsehales nga sila Hon. Juric Blanco and Hon. Haidee Suarez-Jimenez ug personahe sa atong Bravo “BLAZER” Company 25th IB, Revitalized Pulis sa Barangay (RPSB), MSWDO ug CADS. Kining maong relief goods gikan sa katawhan sa City Government of Davao thru Mayor Sebastian Z. Duterte.
Malipayon kita sa suporta gayud sa People of Davao City aron makapaabot ug relief goods sa atong mga katawhan.
Atong gipaabot ang atong dakong pagpasalamat sa katawhan sa Davao City ug kay Mayor Sebastian Duterte sa ilang gipaabot nga ayuda sa Compostela nga nakatabang gayud sa mga apektadong katawhan sa milabayng kalamidad.
Markly M. Tiempo and Kenneth A. Aroyla – Boxing
Mibisita sa atong opisina ang duha ka Boxing Athletes sa LEVel Up Warriors nga sila Markly M. Tiempo and Kenneth A. Aroyla nga namahimong mananaog sa milabyng Davao de Oro Provincial Athletics Association Meet didto sa Pantukan ug sila namahimong Qualifiers sa DAVRAA Meet.
Ato silang gitimbaya sa ilang namahimong kadaugan ug atong gipasalig nga mopaabot kita sa atong suporta sa moabutay nga ilang pagsalmot sa DAVRAA Meet.
Congratulations sa tanan natong Atleta sa LEVel Up Warriors nga mipakita sa ilang kahanas sa mga nagkadaiyang Sports Competition sa Provincial Meet!
Convocation
Karung adlawa, ang Lokal nga Panggamhanan sa Lungsod sa Compostela pinanguluhan sa ang atong Mayor Levi S. Ebdao kauban ang atong SB Member, Hon. Rogelio Econar, LGU Employees, PNP Compostela Officers, BFP Compostela Officers, LCC Criminologist Intern ug Immersion Students from LCC and Assumption Academy of Compostela, nagpahigayon ug Convocation didto sa atong Municipal Gymnasium.
Usab, sa maong Convocation gihatag sa atong Mayor Levi S. Ebdao kauban sa MHRM Officer, Ma’am Nilda Sidayon ang Service Rings ngadto sa atong mga retirees sa LGU Compostela.
Sa mensahe sa atong Mayor Levi Ebdao, iyang gipasalamatan ang namahimong serbisyo sa atong mga retirees sa alang sa atong munisipyo.