LEVELUP SA SERBISYO FEBRUARY 3, 2024
Compostela Municipal Athletic Association Meet (CMAAM)
Gipahigayon karong adlawa, Pebrero 3, 2024 ang Compostela Municipal Athletic Association Meet (CMAAM) nga adunay temang “LEVel UP: Elevating Excellence and Unity Through Sports”, diri sa Compostela Gymnasium, Municipal Grounds ug sa atoang Municipal Sports Complex.
Kini nga kalihokan gihimo aron atong makita ang talento ug kahanas sa mga atleta sa matag kategorya dinhi sa atong Lungsod. Usa usab kini sa mga paagi sa pag-andam sa atong munisipyo sa umaabot nga Provincial Meet nga ipahigayon karong Pebrero 21-25, 2024, diin tambongan kini sa lain-laing mga lungsod sulod sa atong distrito.
Ang atong Mayor, Levi S. Ebdao malipayon usab nga nagtan-aw sa atong mga atleta taliwala sa kakapoy bunga sa pipila ka mga gabii nga walay tulog tungod sa kalamidad nga gisagubang sa atong munisipyo. Bisan pa niana, ang atong Mayor nipasalig sa iyang suporta sa maong aktibidad.
DSWD Food Packs for Purok 4 Upper Siocon
Sa atong pagsuroy ug pagpanghatag ug hot meals ug food packs gahapon sa Barangay Siocon atong namatikdan samtang gabyahe ta atong nakita ang kahimtang sa atong mga katawhan sa Purok 4 Upper Siocon diin naay pipila na dili pa makabalik sa ilang mga panimalay tungod sa nagpabiling baga nga lapok, Maong atong gipahatdan ug pagpanghatag sa DSWD Family Food Packs sa Purok 4 Upper Barangay Siocon kauban atong PNP ug Municipal Social Welfare and Development Office. Kining maong relief goods gikan atong DSWD thru the initiative sa atong Congresswoman Maria Carmen Zamora
Malipayon kita sa walay puas gayud nga suporta ni Cong. Maricar Zamora kay nahatagan gayud ug ayuda ang atong mga katawhan nga naapektohan sa kalamidad nga nasinatian sa Compostela ug namahimong dakong tabang pud kini sa ilaha ilabi na gayud nga pipila gayud sa atong katawhan ang anaa pa sa ilang mga temporaryong gibakwitan na maglisod pa ug balik sa ilang tagsa-tagsang panimalay.
Salamat sa kanunay Cong. Maricar Zamora sa padayon nga pagpangga ug pagmahal sa Compostela.