FEBRUARY 8, 2023 ACTIVITY POST
Department of Health Regional Office XI – Super Health Center
Karung adlawa, malipayong giabi-abi sa atong Mayor Levi S. Ebdao kauban ang atong Municipal Health Officer, Dr. Kay Rodriguez ang mga personahe from the Department of Health Regional Office XI nga mipahigayon ug personal nga pagbisita aron paghisgot sa mamahimong lakang kabahin sa implementasyon sa Super Health Center diri sa atong Lungsod.
Kining maong proyekto mao na ang napahigayonan ug Groundbreaking Ceremony niadtong February 4, 2023 nga personal gayud nga gisaksihan sa atong Senator Bong Go.
Mapasalamaton ang atong Mayor Levi Ebdao kay isa gayud ang Compostela sa mga napili nga Munisipyo aron mahatagan sa maong proyekto.
Project Implementation Conference
Karung adlawa, gitambungan sa atong Mayor Levi S. Ebdao kauban ang key offices sa atong Munisipyo, Hon. Gil Blanco, Municipal IPMR, Hon. Vicente Damalerio, Punong Barangay of Ngan, Hon. Lolito Pavia, Punong Barangay of Osmeña ug Hon. Salvador Almilla, Punong Barangay of Lagab ang gipahigayon nga Conference sa atong 1st District Congressional Office thru Ma’am Prosperidad Reterba together with the personnel from the DPWH kini aron paghisgot sa implementasyon sa mga proyekto alang sa atong pipila ka mga Barangay ning Lungsod.
Mapasalamaton ang atong Mayor Levi Ebdao sa suporta sa atong Congresswoman Maria Carmen Zamora pinaagi sa paghatag ug ubay-ubay gayud nga proyekto alang sa Compostela.
Tamia River Project
Karung adlawa, gitambungan sa atong Mayor Levi S. Ebdao kauban ang atong Municipal Engineer, Engr. Felicita Detros ug Hon. Elmer Remulta, Punong Barangay of Tamia ang gipahigayon nga Conference sa atong 1st District Congressional Office thru Ma’am Prosperidad Reterba together with the personnel from the DPWH kini aron paghisgot sa proyekto alang sa Tamia River.
Mapasalamaton ang atong Mayor Levi Ebdao sa suporta sa atong Congresswoman Maria Carmen Zamora aron mahatagan ug dakong pundo ang flood control plan sa Compostela.
COA Project Inspection
Karung adlawa, giubanan sa atong Mayor Levi S. Ebdao ang atong COA Auditor, Ma’am Elsie Porquillo kauban ang key offices diria sa atong Munisipyo nga mipahigayon ug Project Inspection didto sa atong Crossing Gabi Public Market Building.
Kini aron pagsuta sa kasamtangang sitwasyon sa maong proyekto. Naghinaot ang atong Mayor Levi Ebdao nga ma-implementar ang plano sa LGU Compostela nga improvement sa maong establisyemento tungod kay mao gayud kini ang ginamolo sa atong mga negosyante.
Gipasalig sa atong Mayor Levi Ebdao nga maningkamot ang atong LGU nga ma-address ang concerns sa atong mga negosyante nga naninda sulod sa Crossing Gabi Public Market Building.