LEVEL UP SA SERBISYO JANUARY 22, 2024
SPORTS COMPLEX INSPECTION AND DDOSC VISIT
Kauban ang personahe sa DPWH-2nd District Engineering Office ug opisina ni Congresswoman Maria Carmen Zamora, mipahigayon kita ug inspection didto sa atong Compostela Sports Complex ug Davao de Oro State College-Main Campus kini aron ma-assess ang kinihanglan nga dugang pasilidad nga fundingan napud pinaagi sa pagpaningkamot ni Cong. Maricar Zamora.
Sa Compostela Sports Complex, giplanohan nato nga modugang ug improvement sa atong existing covered court aron mas mapalapad kini. Samtang, sa atong Davao de Oro State College-Main Campus paningkamotan nato nga mahuman ang usa ka building nga natukod nga hangtod karun wala pa nahuman.
Busa, karun pa lang daan, mapasalamaton na kaayo ta kay Congresswoman Maria Carmen Zamora sa daghan napud nga projects nga madawat sa Compostela pinaagi sa iyang inisyatibo.
Opisyales ug Functionaries sa Barangay New Alegria – Courtesy Call
Malipayon natong giabi-abi ang tibuok Opisyales ug Functionaries sa Barangay New Alegria headed by Kapitan Vergelio Pacpakin nga mipahigayon ug Courtesy Call didto sa atong opisina.
Kini aron pagpaabot kanato sa ilang mga programa ug plano ug mga panginahanglanon nga mao pud ang gimulo sa ilang mga katawhan.
Mapasalamaton kaayo ta sa atong nga Barangays Officials nga dako kaayo ang namahimong kabahin aron atong mapaabot sa atong mga katawhan ang mga programa ug proyekto nga haom gayud sa ilang gikinahanglan.
Laoman gayud sa atong mga kabarangayan nga anaa sa kanunay ang atong LGU aron mohatag ug suporta sa ilang mga programa ug proyekto alang sa kalambuan.