LEVEL UP SA SERBISYO JANUARY 23, 2024
SUROY SA CROSSING GABI PUBLIC MARKET
Misuroy kita sa atong Crossing Gabi Public Market aron atong makita kasamtangang estado sa mga negosyante nga anaa karun naninda sulod sa atong public market stalls ug aron pud nga madungog ang ilang mga problema ug panginahanglanon.
Gilantaw pud nato ang possibling renovation sa atong existing public buildings tungod kay pipila gayud sa atong mga negosyante nga mihangyo nga mahatagan ug kasulbaran ang kainit sa sulod sa atong stalls.
Atong paningkamotan kauban sa atong Municipal Engineering Office nga mahatagan natog funding ang renovation sa maong building aron makaganar pud ang atong negosyante nga naninda.
Installation – Fiberglass Basketball Board at Purok 18, Baclog, San Miguel
Giubanan nato ang atong SKMF Pres. Mylene P. Bacote ug mga personahe gikan sa atong Municipal Engineering Offfice nga mag-install ug Fiberglass basketball board sa Purok 18, Baclog, San Miguel.
Kining maong Basketball Board usa sa atong gihatagan ug pundo sa atong LGU aron makatabang sa atong komunidad aron makapa-ugnat sa kusog ang atong mga katawhan ilabi na gayud ang mga kabatan-onan ug mahimo pud kining makapahilayo kanila sa dili maayong buhat diha sa katilingban.
Mibisita ug nakighimamat pud kita sa mga katawhan aron atong personal nga madungog ang ilang mga problema ug ato pud silang mapangumusta ilabi na sa milabayng pagbaha nga atong nasinati.
Ilang gipaabot kanato ang ilang hangyo nga mabutangan ug hanging bridge sa Sitio Baclog, San Miguel aron mas masayon kanila nga makaabot sa sentro. Atong gipasabot kanila nga atong kining istudyohan if feasible ba ang maong proyekto.
Mao gayud atong paningkamotan nga maggahinan ug panahon nga maksuroy-suroy kita sa atong mga kasitiohan ug atong atong makita ang atong mga katawhan.