LEVEL UP SA SERBISYO JANUARY 24, 2024
Relief Goods and Sports Equipments – Senator Christopher Lawrence “BONG” Tesoro GO
Malipayon natong gidawat ang mga Relief Goods and Sports Equipments nga gihatag kanato sa opisina sa atong Senator Christopher Lawrence “BONG” Tesoro GO.
Dako ang atong pagpasalamat ngadto kay SENATOR BONG GO sa iyang kanunay nga paglantaw ug pangpangga gayud sa taga Compostela ilabi na gayud sa milabayng kalamidad nga atong nasinati ug pagpasalamat pud sa atong Govenor Dorothy Gonzaga kay nabahinan kita sa gihatag na mga ayuda nga gikan kang SENATOR BONG GO.
Atong gipanghinaot nga pinaagi sa maong Relief Goods ug Sports Equipments atong mapaabot sa katawhan nga sa kanunay anaa ang mga Opisyales sa atong gobyerno nga gikan gayud sa kauluhan nga andam motabang kanato.
Top Notchers Licensure Examination for Teachers (LET) – Alumni sa Davao de Oro State College
Malipayon natong giabi-abi ang mga Alumni sa Davao de Oro State College o kanhing Compostela Valley State College nga namahimong Top Notchers sa mga milabyang Licensure Examination for Teachers (LET) nga mibisita sa atong opisina.
Mipaabot kita sa atong dakong pagtimbaya kanila sa ilang gihatag nga dakong garbo alang sa Compostela ug namahimo silang dakong ehemplo sa mga estudyante nga gustong makabaton ug nindot nga kaugmaon.
Atong panghinaot nga kini sila mamahimong dakong panalaminan sa mga kabataan aron mopursige sa ilang pagtoon taliwala sa mga hagit sa kinabuhi nga ilang nasinati ilabi na gayud ang kawalad-on.
Football Club Compostela – Courtesy Call
Mipahigayon ug Courtesy Call sa atong opisina ang mga miyembro sa Football Club Compostela kauban sa ilang coach nga si Sir Arnel Casil.
Ilang gipaabot kanato nga ang atong 18 Under Football Team namahimong nagmadaugon sa gipahitabo nga Soccer Tournament sa Municipality of Mabini.
Ato silang gitimbaya sa ilang kadaugan ug atong gipaabot kanila atong pasalamat kay sa atong gihatag na suporta kanila naa kiniy ganti unta magpadayon nila ang ilang katakos sa pagdula ug pag ensayo sa football arun dili masayang atong gibuhos na suporta kanila.
Padayon pud kitang maningkamot nga makapaabot gayud ug suporta alang sa atong mga nagkadaiyang Sports Enthusiasts diri sa Compostela.
Performance Management Team of Strategic Performance Management System (PMT-SPMS) – Target Setting
Kauban ang atong Performance Management Team of Strategic Performance Management System (PMT-SPMS) ug mga nagkadaiyang Department and Section Heads, mipahigayon kita ug Target Setting alang sa atong nga opisina diri sa atong Munisipyo.
Mao kini ang usa sa mga mandato kanato isip Mayor nga sa matag sugod sa tuig, gikinahanglanan kita mohatag ug targets sa matag opisina aron mas mapakusgan ang atong LEVelUp Service Delivery sa atong LGU.
Atong giawhag ang atong mga Heads of Offices, nga ipadayon ang nindot nga pagserbisyo sa atong katawhan tungod kay mao kiniy timailhan sa usa ka maayong pang gobyerno ug kini nagpakita nga kita duol gayud sa katawhan.
Bisita sa Purok 6, Poblacion Relocation Site
Mibisita kita sa Purok 6, Poblacion Relocation Site aron atong mapangumusta ang katawhan ug aron atong makita ang ilang sitwasyon human sa dakong pagbaha nga atong nasinati sa milabyng semana. Sayod kita nga usa gayud ang atong Purok 6 Relocation Site sa nakasinati ug grabing epekto sa baha.
Ato gayung nakita ang kalapok sa dalan maong gikihanglan nga magrabahan gayud kini kay luoy kaayo ang mga estudyante ug mga namuyo sa atong Purok 6 Relocation Site.
Busa, dali natong gimandoan ang atong Motorpool Section nga magapahigayon ug gravelling aron matabangan ang apektadong residente sa Purok 6 nga naglisod tungod sa kalapok sa dalan.
Maningkamot kita nga makabisita gayud sa pipila nato ka mga kapurokan sa mga nagakadaiyang Barangay nga dako ang nahimong kadaot tungod sa milabyng baha.