JULY 13, 2023 ACTIVITY POST
Compostela Sports Complex – Preparation
Gibisita nato ang ongoing nga preparation sa atong Compostela Sports Complex alang sa umaabot nga selebrasyon sa ika-75th Araw ng Compostela and 17th Buganihan Festival.
Gipaningkamotan gayud nato sa LGU nga maplastar ang atong venue para sa mga aktibidades nato sa Araw ng Compostela arun memorable ug lingaw atong selebrasyon.
Pag-asa Youth Association of the Philippines (PYAP)-Compostela Chapter
Malipayon natong naabi-abi ang mga Opisyales sa Pag-asa Youth Association of the Philippines (PYAP)-Compostela Chapter nga mipahigayon ug Courtesy Call didto sa atong opisina.
Ilang gipadayag kanato ang mga panginahanglanon sa ilang organisasyon alang sa umaabot nila nga aktibidad.
Mipasalig kita nga mosuporta alang sa ilang aktibidad kay dako gayud kini ug kahimuan alang sa paglambo sa atong mga kabatan-onan.
Atol sa ilang pagbisita, gipasiugdahan pud nato ang Oathtaking Ceremony sa bag-ong mga Opisyales sa PYAP-Compostela Chapter.
Mr. John Dave Jos ug Ms. Junnil Omadley
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. John Dave Jos ug Ms. Junnil Omadley didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iyahang gihatagan ug importansiya ang pagsalig sa usag-usag sa managtiayon aron hapsay ug lig-on ang pagpuyo sa usa ka pamilya.
Matod pa sa atong Mayor Levi Ebdao nga dili igo ang gugma aron magpabilin ang kalinaw diha sa pagpuyo sa usa ka pamilya kon dili kinihanglan nga buhaton sa bana ug asawa ang ilang tagsa-tagsa ka obligasyon ug responsibilidad.
Congratulations and best wishes Mr. And Mrs. John Dave and Junnil Josol!