JULY 20, 2023 ACTIVITY POST
Coordinative Meeting – Incident Management Team (IMT)
Gitambungan nato ang gipahigayon nga Coordinative Meeting sa atong Incident Management Team (IMT) kauban ang nagkadaiyang Committees sa atong Araw ng Compostela.
Gilatag sa maong meeting ang mamahimong plastada sa matag aktibidad aron kini mabuhatan ug Operational Plan sa atong IMT kay usa gayud sa atong gipaningkamotan nga mamahimong safety ug plastado ang atong pagselebrar sa atong Founding Anniversary.
Mapasalamaton kita sa suporta sa atong mga Committees aron mamahimong memorable ang atong 75th Araw ng Compostela and 17th Buganihan Festival.
Oathtaking Ceremony sa mga Opisyales sa atong 4H Club
Gipasiugdahan nato ang Oathtaking Ceremony sa mga Opisyales sa atong 4H Club diri sa Compostela.
Kini nga Oathtaking gisaksihan sa atong LYDO Designate, Ma’am Eileen Joy Manatad ug Municipal Agriculturist, Ma’am Gina Lyn Musong.
Nahimamat pud nato ang mga miyembro sa 4H Club ug malipayon kita sa kadasig nga gipakita nila aron magmalambuon ang ilang organisasyon.
Atong gipasalig nga andam gayud kitang motabang kung unsay ilang gikinahanglan tungod kay atong pangandoy nga mapalig-on ang matag organisasyon ilabi na gayud kung kini adunay dakong kalambigitan sa atong mga kabatan-onan.
Oplan Paspas “Pagpakgang sa Pagpanlugos”
Mibisita kita sa gipahitabo nga Cascading on Oplan Paspas “Pagpakgang sa Pagpanlugos” didto sa Sabing’s Space and Dine.
Kini usa sa mga programa sa atong gobyerno aron matabangan ang seguridad sa atong mga ma kababayen-an ilabi na gayud nga karung panahona nga adunay mga balita kabahin sa pagpanglugos.
Busa, mipasalig nga mohatag sa atong all support sa maong programa tungod kay dako gayud kini ug kahimuan aron mamahimong protektado ang atong mga kababayen-an diri sa Compostela.
Mr. Jay Fernandez and Ms. Elmie Niñal
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Jay Fernandez and Ms. Elmie Niñal didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iyahang gihatagan ug importansiya ang pagsalig sa usag-usag sa managtiayon aron hapsay ug lig-on ang pagpuyo sa usa ka pamilya.
Matod pa sa atong Mayor Levi Ebdao nga dili igo ang gugma aron magpabilin ang kalinaw diha sa pagpuyo sa usa ka pamilya kon dili kinihanglan nga buhaton sa bana ug asawa ang ilang tagsa-tagsa ka obligasyon ug responsibilidad.
Congratulations and best wishes Mr. & Mrs. Jay and Elmie Fernandez!
Site Inspection – New Mayor’s Office Building
Nagsite inspection kita sa ongoing nga Construction sa atong New Mayor’s Office Building.
Malipayon kita kay hapit na gayud kining mahuman ug sa dili madugay maggamit na nato ang maong building.
Busa, dili jud ko mapul-an sa pagpasalamat sa atong Congresswoman Maria Carmen Zamora ug Tingog Partylist sa paggahin ug pundo aron mahimo kining maong proyekto.