JULY 6, 2023 ACTIVITY POST
Coordinative Meeting – Araw ng Compostela
Kauban ang nagkadaiyang Committees sa atong selebrasyon sa Araw ng Compostela mipahigayon kita ug Coordinative Meeting karung adlawa, didto sa 1st District Congressional Office Conference Room.
Kini aron makita ang kasamtangang estado sa budget sa atong matag event aron sa hinay-hinay ma process nag gayud ang mga papeles tungod pipila nlng gayud ka adlaw mosugod na gayud ang atong aktibidades sa 75th Araw ng Compostela and 17th Buganihan Festival.
Giplastar pud sa maong Meeting ang flow sa matag event aron atong makita ang kadugayon sa matag aktibidad.
Mapasalamaton kita sa kalampusan sa maong meeting tungod kay usa ang Araw ng Compostela sa pinakadako nga aktibidad nga atong ipahitabo ug atong paningkamotan nga makahatag kita ug kalingawan og memorable nga selebrasyon sa atong mga katawhan.
Department of Social Welfare and Development Field Office XI – Courtesy Call
Nahimamat nato ang mga personahe gikan sa Department of Social Welfare and Development Field Office XI nga mipahigayon ug Courtesy Call didto sa atong opisina.
Kini sila mao ang mga bag-ong DSWD Municipal Link nga na-assign napud diri sa atong Munisipyo.
Atong gipaabot nga sa kanunay andam ang Munisipyo nga mohatag ug suporta sa matag programa ug proyekto nga gikan sa atong DSWD.
Atong panghinaot nga pinaagi sa pagtinabangay sa DSWD ug LGU atong mapaabot sa atong mga katawhan ang ilang gikinahanglan nga serbisyo.
Budget Forum
Kauban ang mga nagkadaiyang Department Heads and Section Heads sa atong Lokal nga Panggamhanan sa Lungsod sa Compostela, mipahigayon kita ug Budget Forum alang sa budget planning and preparation para sa sunod tuig.
Atong gipresenta sa maong forum ang atong mga priority projects and programs nga atong fundingan aron mahatagan nato ug klaro nga giya ang matag opisina.
Apan, giawhag gayud nato ang atong mga opisina sa pag identify sa mga programa ug proyekto nga mas mapaabot nato sa atong mga katawhan ang atong LevelUp nga Serbisyo Publiko.