JULY 7, 2023 ACTIVITY POST
6th Graduation Exercises sa Compostela National High School-Senior High Shool Department
Mitambong kita sa gipahigayon nga 6th Graduation Exercises sa Compostela National High School-Senior High Shool Department didto sa atong Municipal Gymnasium.
Atong gayung nakita ang kalipay ug kasadya diha sa panagway sa atong mga Graduates ug mga ginikanan.
Sa atong mensahe atong gipaabot ang atong dakong pagtimbaya sa atong mga graduates ug mga ginikanan ilabi na gayud sa mga magtutudlo nga mao gayuy migiya alang sa ilang kalampusan.
Usab mihatag pud kita ug 100,000 Pesos ngadto kay Ms. Aryenne Ysabelle Rodrigo diin ang dungog sa Compostela National High School kay sa kalampusan sa iyang high school year nadawat siya sa admissions isip full-ride scholar sa prestihiyosong unibersidad diin ang Harvard University atong nahatag kaniya isip makatabang kaniya sa dili pa siya magsugod ang iyang pagskwela didto sa Harvard University arun naa syay magasto diri ug sa iyang mga planong gastohonon.
Atong panghinaot nga ang atong mga graduates padayon nga maningkamot alang sa mas nindot nga future para sa ilang pamilya ug mamahimo silang katambayayong sa atong komunidad paingon sa kalambuan.
Congratulations Graduates ug sa mga proud na mga ginikanan.
Mr. Joshua Philip Danao and Ms. Flordeliza Manuel
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Joshua Philip Danao and Ms. Flordeliza Manuel didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iyahang gihatagan ug importansiya ang pagsalig sa usag-usag sa managtiayon aron hapsay ug lig-on ang pagpuyo sa usa ka pamilya.
Matod pa sa atong Mayor Levi Ebdao nga dili igo ang gugma aron magpabilin ang kalinaw diha sa pagpuyo sa usa ka pamilya kon dili kinihanglan nga buhaton sa bana ug asawa ang ilang tagsa-tagsa ka obligasyon ug responsibilidad.
Congratulations and best wishes Mr. & Mrs. Joshua Philip and Flordeliza Danao!
Oathtaking Ceremony – Dayana Gres Mapando
Gipasiugdahan nato ang Oathtaking Ceremony sa bag-ong Barangay Treasurer sa Panansalan nga Sir Ma’am Dayana Gres Mapando.
Atong panghinaot nga ang bag-ong madugang nga Functionary sa Barangay Panansalan mamahimong katambayayong sa atong Barangay Officials aron sa pagbuhat sa mga haom nga programa ug proyekto alang sa mga katawhan sa maong barangay.
Congratulations Ma’am Dayana Gres Mapando!