JUNE 14, 2023 ACTIVITY POST
Provincial Governor, Hon. Dorothy Montejo-Gonzaga – Payout sa DSWD Cash for Work
Mitambong kita kauban sa atong Provincial Governor, Hon. Dorothy Montejo-Gonzaga sa gipahigayon nga Payout sa DSWD Cash for Work didto sa Barangay Poblacion Gymnasium.
Ang namahimong benepisyaryo niining maong programa mao kadtong mga katawhan sa Compostela nga maoy apektado sa mga pipila ka linog nga atong nasinati.
Mapasalamaton kita sa DSWD sa paghatag gayud ug pagtagad sa atong mga katawhan nga nanginahanglan.
Payout of Educational Assistance alang sa tanang graduating students sa Legacy College of Compostela
Isip representante sa atong Congresswoman Maria Carmen Zamora, mitambong kita sa gipahigayon nga Payout of Educational Assistance alang sa tanang graduating students sa Legacy College of Compostela nga gipahitabo didto sa 1st District Congressional Gymnasium. Ang maong pundo naggagikan sa Assistance to Individuals in Crisis Situation (AICS) sa atong DSWD.
Nakita gayud nato ang kalipay sa panagway sa atong mga estudyante nga maoy namahimong benepisyaryo niining maong programa tungod kay dako na gayud kinig ikatabang alang sa ilang panginahanglanon for graduation.
Busa, atong gipaabot ang atong dakong pagpasalamat ngadto kay Hon. Yedda Romualdez of Tingog Partylist, House Speaker Ferdinand Romualdez ug Congresswoman Maria Carmen Zamora sa ilang walay puas nga paghatag ug tabang alang sa mga katawhan sa Compostela.
Special Program for the Employment of Students (SPES) Grantees Orientation
Atong gitambungan ang gipahigayon nga Orientation alang sa atong mga Special Program for the Employment of Students (SPES) Grantees diri sa Compostela.
Kini gibuhat aron atong mapasabot sa atong mga SPES Grantees ang mga polisiya nga gikinahanglan nilang mahibal-an ug tumanon.
Gipanghinaot nato nga pinaagi sa atong SPES Program nakahatag kita ug gamayng tabang alang sa atong mga estudyante panahon sa ilang bakasyon.
Sitio Electrification Program (SEP) sa Purok Marpuri ug Purok Tuplon, Barangay New Algeria
Mitambong kita kauban sa representante ni Congresswoman Maria Carmen Zamora nga Sir Kapitan Norbert Lejano sa gipahigayon nga Switch-on Ceremony alang sa Sitio Electrification Program (SEP) sa Purok Marpuri ug Purok Tuplon, Barangay New Algeria.
Kini usa sa mga programa nga suportado gayud sa atong inahan sa Distrito Uno sa Davao de Oro ug sa atong LGU aron mahatagan ug kahayag ang atong mga kabalayan nga dugay-dugay na nga nangandoy nga adunay kuryente.
Mapasalamaton kita kay Congresswoman Maria Carmen Zamora sa iyang gihatag nga pundo alang sa SEP ug sa Punong Barangay sa New Algeria nga si Hon. Vergelio Pacpakin sa pag proseso sa gikinahanglan nga papeles alang sa maong programa.
Padayon nga maningkamot ang atong LGU in coordination sa atong mga Punong Barangays nga sa hinay-hinay masulbad ang problema sa atong nga kasitiohan nga hangtod karun wala pay kuryente.