JUNE 15, 2023 ACTIVITY POST
Payout of Educational Assistance – Sagip Partylist
Atong gitambungan kauban ang representante gikan sa opisina ni Congressman Rodante Marcoleta of Sagip Partylist nga si Ma’am Anne Mosot, Visayas-Mindanao Coordinator, Sir Joseph Jauod, representante ni Vice-Governor Jayvee Tyron L. Uy ug Kapitan Godfrey Musong of Barangay Poblacion ang gipahigayon nga Payout of Educational Assistance alang atong mga estudyante sa mga nagkadaiyang tulunghaan diri sa Compostela nga gipahitabo didto sa atong Municipal Gymnasium. Ang maong pundo naggagikan sa Assistance to Individuals in Crisis Situation (AICS) sa atong DSWD.
Nakita gayud nato ang kalipay sa panagway sa atong mga estudyante nga maoy namahimong benepisyaryo niining maong programa tungod kay dako na gayud kinig ikatabang alang sa ilang panginahanglanon.
Busa, atong gipaabot ang atong dakong pagpasalamat ngadto sa Sagip Partylist ug kay Vice-Governor Jayvee Tyron L. Uy sa ilang walay puas nga paghatag ug tabang alang sa mga kalampusan sa atong mga kabatan-onan sa Compostela.
Quick visit – Covered court, ongoing project
Quick visitation sa atong Ongoing project na covered court sa atong Compostela Sports Complex isip pagpangandam sa atong umaabot nga selebrasyon sa 75th Araw ng Compostela and 17th Buganihan Festival. Atong kauban ang mga Grantees sa atong Special Program for the Employment of Students (SPES) aron atong mapakita kanila ang mga katikaran sa atong munisipyo.
Ato jud gipangandaman ug ayo ang atong Araw karun kay kini ang atong Diamond Celebration sa atong lungsod para mas lingaw ug memorable pa kay kini para sa atong katawhan diri sa Compostela.
Mr. Marlon Mutia, Jr. and Ms. Erika Jean Delima
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Marlon Mutia, Jr. and Ms. Erika Jean Delima didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iyahang gihatagan ug importansiya ang pagsalig sa usag-usag sa managtiayon aron hapsay ug lig-on ang pagpuyo sa usa ka pamilya.
Matod pa sa atong Mayor Levi Ebdao nga dili igo ang gugma aron magpabilin ang kalinaw diha sa pagpuyo sa usa ka pamilya kon dili kinihanglan nga buhaton sa bana ug asawa ang ilang tagsa-tagsa ka obligasyon ug responsibilidad.
Congratulations and best wishes Mr. & Mrs. Marlon Jr. and Erika Jean Mutia!