JUNE 16, 2023 ACTIVITY POST
Congresswoman Maricar Zamora – Agusan River Project
Malipayon natong gibisita ang project sa atong Congresswoman Maricar Zamora sa Agusan River. Sa karon, ug atong adtuan, makita nato na mas nilapad na ang sapa, ug naa nay revetment para di na makankan pa ang yuta.
Salamat kaayo Cong Maricar S. Zamora! Malipayon ming mga taga Compostela kay lisud na gyud mi bahaon!
Turnover and Blessing sa ALS Building sa DepEd Compostela West District
Atong gitambungan ang Turnover and Blessing sa ALS Building sa DepEd Compostela West District nga nahimutang didto sa Gabi Central Elementary School.
Kini usa sa atong proyekto nga gipunduhan sa Special Education Fund sa atong Munisipyo.
Nasaksihan gayud nato ang kalipay nga gibati sa atong ALS Volunteers tungod kay aduna na gayud silay permanenteng opisina nga pwede pud nilang maggamit kon adunay silay klase ug mga aktibidades.
Atong gisaad nga padayon ang atong pagpaningkamot aron atong mahatagan ug haom nga suporta ang atong ALS alang sa ilang kalambuan.
Mr. Christian Jay Caballero ug Ms. Liezle Tuba
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Christian Jay Caballero ug Ms. Liezle Tuba didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iyahang gihatagan ug importansiya ang pagsalig sa usag-usag sa managtiayon aron hapsay ug lig-on ang pagpuyo sa usa ka pamilya.
Gipanghinaot sa atong Mayor Levi Ebdao nga ang panag-uban sa bag-ong managtiayon mamahimong makapanalagin sa tanang tao nga nakapalibot kanila nga makita diha sa ilang panag-uban ang gugma ug panagsinabtanay ug ang grasya sa Labawng Makagagahom.
Congratulations and best wishes Mr. And Mrs. Christian Jay and Liezle Caballero!