MARCH 13, 2023 ACTIVITY POST
NFA Acting Branch Manager – Courtesy Call
Karung adlawa, malipayong giabi-abi sa atong Mayor Levi S. Ebdao ang Acting Branch Manager sa NFA Davao del Norte nga si Ma’am Lynlee J. Lanaja kauban sa iyahang mga personahe nga mipahigayon ug Courtesy Call didto sa iyang opisina.
Nadungog sa atong Mayor Levi Ebdao ang plano sa atong NFA nga mas pahugtan pa ang partnership tali sa LGU Compostela aron masigurado nga aduna silay buffer stocks pinaagi sa pagpamalit sa mga abot sa atong mga local rice farmers isip usa napud ka tabang alang kanila. Kini aron ma siguro nga adunay igong pundo nga ikabaligya ang atong NFA panahon nga adunay mga kalamidad.
Busa, gipaabot sa atong Mayor Levi Ebdao ang iyang pagpasalamat sa atong NFA sa padayon nga pagtinabangay sa atong LGU panahon nga kita adunay panginahanglanon ilabi na gayud sa bugas panahon sa kalamidad.
Provincial Housing and Homesite Division – Courtesy Call
Karung adlawa, malipayong giabi-abi sa atong Mayor Levi S. Ebdao ang mga personahe gikan sa Provincial Housing and Homesite Division kauban Sir Edward Macapili nga mipahigayon ug Courtesy Call didto sa iyang opisina.
Kini aron paghisgot sa atong LGU Shelter Plan and NHA San Antonio Village Maparat nga usa sa mga settlement project sa atong Municipyo nga hangtod karun under pa ang supervision sa atong Provincial Government of Davao de Oro.
Gipaabot ang atong Mayor Levi Ebdao nga andam nga mohatag ug assistance ang atong lokal nga panggamhan sa atong probinsya kabahin sa NHA San Antonio Village Maparat.
Holy Mass and Convocation
Isip pagpasalamat sa mga grasya ug pabor nga atong nadawat, ang Lokal nga Panggamhanan sa Lungsod sa Compostela pinanguluhan sa atong Mayor Levi S. Ebdao kauban ang LGU Employees, PNP Compostela Officers, BFP Compostela Officers, Criminology Interns ug GIP Grantees nagpahigayon ug Holy Mass karong adlawa, Marso 13, 2023 didto sa Mayor Senen B. Suarez Cultural Center and Legislative Building, Poblacion, Compostela, Davao de Oro.
Human sa maong Misa, gipahitabo usab ang atong Regular Monday Convocation.