LEVEL UP SA SERBISYO MAY 13, 2024
Tagbubunlas Falls
Habang atong gibisita ang nasunugan sa Bongkilaton, ato nalang pung gilahos ang Tagbubunlas Falls kauban sila Kons Haidee Suarez-Jimenez, Kons Danny Pelegrino, ug Kap Inting Damalerio. First time nako diring lugara ug mapasalamaton ta sa concreting ni Cong Maricar kay mas napadali among byahe. Sayang lang kay ting-init maong hinay ang tubig sa falls.
Sunog – Pamilyang Bero
Personal natong gipaabot sa pamilyang Bero nga nasunugan sa Purok 16, Bongkilaton, Ngan ang Family Pack from Office of the Civil Defense, Food Packs, Sack of Rice ug Cash Assistance nga diin gikan sa lokal nga panggamhanan kauban atong Sangguniang Bayan Members Hon. Haidee Suarez Jimenez ug Hon. Danielo Pelegrino.
Nakita nato nga dako gayud ang kadaot nga nahiaguman sa maong pamilya ug mipasalig kita nga mupaabot ug tabang aron sila hinay hinay maka-recover.
Nanghinaot kita nga ang atong katawhan magma-igmat aron malikayan mahitabong sunog tungod kay dako ang mahimong epekto niini sa pamilyang nahitaboan.
Mapasalamaton gihapon kita kay wala gayuy nataho nga casualty sa maong sunog.
Dako pud ang atong pasalamat sa kay Congresswoman Maria Carmen Zamora sa iyang paggiya kanato sa mga angayan natong pagabuhaton aron mas mapadali ang atong paghatag ug hinabang sa mga panghitabo nga susama niini.
Opisyales sa Sangguniang Kabataan sa Barangay Panansalan
Malipayon natong giabi-abi ang tibuok Opisyales sa Sangguniang Kabataan sa Barangay Panansalan pinanguluhan sa ilang Chairperson nga si Hon. Jarito Mapando nga mipahigayon ug Courtesy Call didto sa atong opisina.
Kini aron pagpaabot sa ilang mga panginahanglanon alang sa ilang moabutay nga Araw Celebration.
Atong gipasalig nga andam kitang motabang alang sa kalampusan sa mga aktibidades nga ilang giplastar aron malingaw ang katawhan sa ilang pagsaulog sa Araw ng Barangay Panansalan.