LEVEL UP SA SERBISYO MARCH 4, 2024
Purok Officials sa Sitio Puting Bato, Ngan
Mibisita kanato karung adlawa ang Purok Officials sa Sitio Puting Bato, Ngan aron pagpaabot sa ilang mga concerns alang sa kalambuan sa ilang komunidad apil na niini ang panginahanglanon sa ilang Farmers Association.
Atong nakita ang kadasig sa mga Purok Officials sa ilang pagpaningkamot aron mahatagan ug pagtagad ang mga gipaabot kanila sa katawhan.
Malipayon ug mapasalamaton ta kay namahimo natong katambayayong ang mga Opisyales sa atong kapurokan aron mahatagan ug pagtagad ang mulo sa katawhan nga may dakong kahimuan aron ilang mabati nga anaa gayud sa kanunay ang atong gobyerno nga andam motabang.
PTA Officials sa San Miguel Elementary School-Cambudlot Extension
Giabi-abi nato ang PTA Officials sa San Miguel Elementary School-Cambudlot Extension nga mipahigayon ug Courtesy Call sa atong opisina.
Kini aron pagpaabot sa ilang panginahanglanon sa ilang tulunghaan sama sa pakuryente ug patubig.
Atong gipasalig nga ato gayung gikonsidera ang panginahanglan sa atong mga eskwelahan tungod kay kini maoy ikaduhang panimalay sa atong mga kabataan ug atong paningkamotan nga mahatagan sila ug maanindot pasilidad sa pagtuon.
Courtesy Call – Agriculture Society sa Davao de State College-Main Campus
Mipahigayon ug Courtesy Call sa atong opisina ang miyembro sa Agriculture Society sa Davao de State College-Main Campus.
Kini aron magpaabot sa ilang mga panginahanglanon alang sa ilang moabutay nga aktibidad nga pagasalmotan human sila midaog sa gipahitabo nga Deans’ Association of Agricultural Schools, Inc. (DAASI) didto sa DDOSC Maragusan Campus.
Atong gipasalig nga andam kaayo ang atong LGU nga mosuporta tungod kay makabang kini aron mas mabansay ang kahibalo sa atong mga estudyante sa perspektibo sa agrikultura.
Courtesy Call – School Heads for Athletes
Mipahigayon sa atong opisina ug Courtesy Call ang nagkadaiyang School Heads sa pampublikong tulunghaan sa Compostela aron pagpaabot sa ilang mga panginahanglanon sa partisipasyon sa mga estudyante ug Atleta alang sa muabotay nga Regional Schools Press Conference ug DAVRAA Meet.
Malipayon kita sa atong mga nadungog nga kalampusan sa atong mga kabataan sa Compostela ug ato silang gitimbaya. Mipasalig kita sa atong all-out support sa ilang gikinahanglan alang sa ilang pagsalmot.
Ato pud nga gipaabot ang atong mga plano aron mas mahatagan ug prioridad ang sports activities ug academic activities sa Compostela kay atong nakita ang dakong kahimuan niini sa paglambo sa atong mga kabataan.
Playground disinfection
Sa pila ka adlaw, atong nakita na ubay ubay gyud ang niadto sa atong municipal playground. Karong adlawa, nagpa disinfect ta sa atong playground para masiguro ang safety sa atong mga bata sa mga sakit ug uban pa. Pahibalo lang pud mi na di sa madulaan atong playground until 1pm karong adlawa.
Salamat!
Holy Mass and Convocation
Isip pagpasalamat sa mga grasya ug pabor nga atong nadawat, ang Lokal nga Panggamhanan sa Lungsod sa Compostela pinanguluhan sa atong Mayor Levi S. Ebdao kauban ang atong Municipal Vice-Mayor, Hon. Ricky P. Hechanova, mga Konsehales, LGU Employees, PNP Compostela Officers, BFP Compostela Officers, Criminology Interns ug Immersion Students from Assumption Academy of Compostela ug Legacy College of Compostela, nagpahigayon ug Holy Mass karong adlawa, March 4, 2024 didto sa Mayor Senen B. Suarez Cultural Center and Legislative Building, Poblacion, Compostela, Davao de Oro.
Human sa maong Misa, gipahitabo usab ang atong Regular Monday Convocation ug diin gipresentar sa atong GAD Personnel nga karung bulana giselebrar ang Women’s Month.