LEVEL UP SA SERBISYO MAY 11, 2014
Culmination Program sa Summer League sa Purok 10 Ambawan, Osmeña
Mitambong kita kauban sa atong Municipal Vice-Mayor Ricky P. Hechanova ug atong Konsehal nga si Hon. Juric Blanco sa gipahigayon nga Culmination Program sa selebrasyon sa ilang Summer League sa Purok 10 Ambawan, Osmeña.
Malipayon kita sa kalampusan sa ilang pagselebrar ug atong gipasalig nga padayon ang atong suporta kauban sa Opisyales sa atong munisipyo ug ni Congresswoman Maria Carmen Zamora.
Congratulations Purok Official sa malipayong pagsaulog!
PTA General Assembly sa Siocon Elementary School
Naimbitahan kita kauban ni Congresswoman Maria Carmen S. Zamora, Municipal Vice Mayor Ricky P. Hechanova ug atong Konsehal nga si Hon. Juric Blanco sa PTA General Assembly sa Siocon Elementary School.
Dako ang atong pagpasalamat kay Maam Virgie Arbitrario-School Principal ug sa ilang PTA President na kanunay pag-imbita kanato kauban ni Cong. Maricar Zamora, Vice Mayor Ricky Hechanova ug Kons Juric Blanco sa pagtambong sa maong asembleya tungod kay napaabot gayud nato sa mga magtutudlo ug ginikanan ang ubay-ubay gayud nga mga proyekto ug programa para sa kasulbaran sa mga gikinahanglan sa mga ginikan sa mga studyante alang sa kalambuan sa maong tulunghaan. Ug kini dako gayud ug kahimuan nga kita nakapaabot sa atong serbisyo nga makatabang aron mas mahatagan pa ug dekalidad nga edukasyon ang mga estudyante sa Siocon Elementary School.
Busa, dili gayud nato kalimtan nga magpasalamat sa grabi ka mahigugmaon ug mapinanggaon nga inahan sa Distrito Uno sa Davao de Oro, Cong. Maricar Zamora sa kanunay nga pagtabang sa mga tulunghaan sa Compostela.