MAY 18, 2023 ACTIVITY POST
Municipal Banana Industry Council Meeting
Kauban ang Municipal Banana Industry Council sa atong Lokal nga Panggamhanan mipahigayon kita ug Meeting didto sa 1st District Congressional Office Conference Room.
Kini aron paghisgot sa atong mga plano ug programa alang sa paghatag ug suporta aron mabalik ang kadagaya sa banana industry diri sa Compostela inubanan sa ihatag pud nga assistance sa Sumifru Philippines Corporation na gi representar ni Sir Nestor B. Roble, Production Head.
Dako kita ug paglaom nga pinaagi sa pagtinabangay sa mga nagkadaiyang stakeholders atong matabangan ang kasamtangang sitwasyon sa atong banana farmers.
Oathtaking Ceremony sa Newly-Elected and Appinted Officers sa BAPAPWOCO Multipurpose Cooperative
Gipasiugdahan nato ang Oathtaking Ceremony sa Newly-Elected and Appointed Officers sa BAPAPWOCO Multipurpose Cooperative.
Atong gipaabot ang atong pagtimbaya sa mga bag-ong opisyales sa BAPAPWOCO ug ato silang giawhag sa pagpakita sa ilang tinud-anay nga pagpanerbisyo aron mapalambo ang ilang kooperatiba.
Mapasalamaton pud kita ngadto kanila sa paghatag ug kahigayonan aron makatambong kita sa maong aktibidad ug atong mahimamat ang ilang mga miyembro.
Mr. Ivan Karl Caoagdan and Ms. Christine Jayne Muga
Karung adlawa, malipayong gikasal sa atong Mayor Levi S. Ebdao ang bag-ong managtiayon nga sila Mr. Ivan Karl Caoagdan and Ms. Christine Jayne Muga didto sa atong Municipal Garden.
Sa mensahe sa atong Mayor Levi Ebdao sa atong bag-ong managtiayon, iyahang gihatagan ug importansiya ang pagsalig sa usag-usag sa managtiayon aron hapsay ug lig-on ang pagpuyo sa usa ka pamilya.
Matod pa sa atong Mayor Levi Ebdao nga dili igo ang gugma aron magpabilin ang kalinaw diha sa pagpuyo sa usa ka pamilya kon dili kinihanglan nga buhaton sa bana ug asawa ang ilang tagsa-tagsa ka obligasyon ug responsibilidad.
Congratulations and best wishes Mr. & Mrs. Ivan Karl and Christine Jayne Caoagdan!