MAY 19, 2023 ACTIVITY POST
IP Youth sa Barangay Poblacion
Malipayon natong giabi-abi ang mga IP Youth sa Barangay Poblacion nga mipahigayon ug Courtesy Call didto sa atong opisina. Courtesy Call
Ilang gipaabot ang ilang mga plano ug programa alang sa ilang organisasyon ug apil usab ang ilang gikinahanglan nga suporta aron kining maong mga plano ug program ma-implementar gayud.
Busa, atong gipasalig nga andam ang atong LGU nga mohatag ug suporta alang sa ilang mga gimbohaton tungod kay ato gayud nga gihatagan ug susamang bili ang matag sector sa atong komunidad.
Opisyales sa DYA Lagab Courtesy Call
Atong personal nga nahinabi ang mga Opisyales sa DYA nga gikan sa Barangay Lagab nga mipahigayon ug Courtesy Call didto sa atong opisina.
Kini aron pagpaabot sa ilang mga panginahanglanon alang sa ilang mga programa ug proyekto.
Atong gipasalig nga andam ang atong LGU nga mohatag ug suporta alang sa kabatan-onan sa Barangay Lagab.
School Heads Consultative Meeting
Kauban ang mga nagkadaiyang School Heads sa tanang pribado ug pampublikong eskwelahan ning atong Lungsod, mipahigayon kita ug Consultative Meeting aron paghisgot sa mga aktibidad nga salmutan sa atong mga tulunghaan atol sa selebrasyon sa Araw ng Compostela.
Sa maong meeting atong gipadayag ngadto kanila ang atong mga plano kabahin sa Araw ng Compostela ug kini nagkinahanglan gayud sa ilang partisipasyon tungod kay magpahitabo kita ug nagkadaiyang competitions sama sa: Sadsad sa Kadalan, Dancesports ug Drum and Lyre.
Uban sa atong mga tulunghaan mipaabot gayud sa ilang sintemento tungod kay limited lamang ang ilang pundo. Busa, atong gipasabot ngadto kanila nga maningkamot ang atong LGU nga makahatag kita ug ayuda ngadto kanila aron atong silang mahatagan ug kahigayonan aron makasalmot sa maong aktibidad nga makapabibo sa atong pagselebrar sa Araw ng Compostela.
Human Resource Merit Promotion and Selection Board (HRMPSB) Meeting
Kauban ang Human Resource Merit Promotion and Selection Board (HRMPSB) sa atong Lokal nga Panggamhanan nagpahigayon kita ug Meeting didto sa Sangguniang Bayan Session Hall.
Kini aron pagpahitabo ug interview sa mga aplikante sa atong mga posted positions under the Municipal Treasury Office ug Mayor’s Office.
Nanghinaot kita nga ang mabutang sa maong mga positions makatabang aron atong mapakusgan ang atong paghatag ug LEVel Up nga Serbisyo alang alang sa mga katawhan diri sa atong Lungsod.