LEVEL UP SA SERBISYO MAY 21, 2024
Purok Chairperson sa Barangay San Miguel – Courtesy Call
Malipayon natong giabi-abi ang mga Purok Chairperson sa Barangay San Miguel nga mipahigayon ug Courtesy Call didto sa atong opisina.
Kini aron pagpaabot kanato sa mga panginahanglanon sa ilang matag Purok nga maoy poy gimulo sa ilang katawhan. Ato pud mga gipasabot kanila ang kabililhon sa ilang role isip Purok Chairperson aron mapaabot sa katawhan ang ilang gikinahanglan nga serbisyo.
Atong gipasalig nga andam kaayo ang atong lokal nga panggamhanan nga moayuda sa ilang mga gikinahanglan kay ato gayung gihatagan ug dakong gibug-aton ang ilang namahimong tabang alang sa katawhan sa ilang barangay.
PTA Officials sa Corazon National High School – Courtesy Call
Malipayon natong giabi-abi ang PTA Officials sa Corazon National High School nga mipahigayon ug Courtesy Call didto sa atong opisina nga giubanan ni Punong Barangay Lolito Pavia sa Barangay Osmeña.
Kini aron sa pagpaabot sa ilang pasalamat kanato ug sa atong Congresswoman Maricar S. Zamora sa mga suporta na nabubo nga tabang sa mga ginikanan ug sa tulunghaan sa mga ubay-ubay nga mga programa ug proyekto na mahatag sa Corazon National High School.
Atong gipasalig nga anaa gayud sa kanunay ang atong Congresswoman Maricar S. Zamora ug atong lokal ng panggamhanan aron sa pagtabang sa mga gikinahanglan sa atong mga eskwelahan ilabi na gayud kung kini adunay kalambigitan sa pagsiguro sa dekalidad nga pagtoon sa atong mga kabataan.