LEVEL UP SA SERBISYO MAY 29, 2024
Graduation Exercises sa Compostela National High School-Senior High Shool Department
itambong kita sa gipahigayon nga Graduation Exercises sa Compostela National High School-Senior High Shool Department didto sa atong Municipal Gymnasium.
Atong gayung nakita ang kalipay ug kasadya diha sa panagway sa atong mga Graduates ug mga ginikanan.Akong gipaabot ang akong dakong pagtimbaya sa atong mga graduates ug mga ginikanan ilabi na gayud sa mga magtutudlo nga mao gayuy migiya alang sa ilang kalampusan.
As promised, atong giubanan si Jonel Lubiano aron sa pagdawat sa iyang mga awards, diin atong gipadayag ug gipadungog ang iyang daghang kalamposan ug mga dakong kalipay sa iyang pag-graduate.
Atong panghinaot nga ang atong mga graduates padayon nga maningkamot alang sa mas nindot nga future para sa ilang pamilya ug mamahimo silang katambayayong sa atong komunidad paingon sa kalambuan.
Congratulations Graduates ug sa mga proud na mga ginikanan!
Courtesy Call – Overseas Workers Welfare Administration (OWWA)
Mipahigayon ug Courtesy Call sa atong opisina ang personahe sa Overseas Workers Welfare Administration (OWWA).
Kini aron pagpangayo ug suporta alang sa partisipasyon sa mga miyembro sa pamilya sa atong OFW ug kanhing mga OFW sa ipahitabo nga aktibidad sa atong OWWA and DMW.
Atong gipasalig nga andam nga magpaabot ug suporta ang atong opisina aron makapartisipar ang atong katawhan sa maong aktibidad.
Sustainable Livelihood Program sa Compostela
Gipasiugdahan nato kauban ang atong Konsehal nga si Hon. Harry C. Cabiling ug personahe sa DSWD SLP ang Turnover of Cheque alang sa piling benepisyaryo sa Sustainable Livelihood Program sa Compostela.
Kining maong cheque mao ang ika-3rd Tranche nga Financial Support sa DSWD SLP nga makatabang alang sa livelihood sa mga piling beneficiaries.
Mapasalamaton ta sa DSWD thru this SLP Program tungod kay namahimo nato silang katambayayong sa paglantaw ug programa alang sa kaayuhan sa atong katawhan diri sa Compostela.