MAY 30, 2023 ACTIVITY POST
Job Fair sa Davao de Oro State College-Main Campus
Mibisita kita sa gipahigayon nga Job Fair sa Davao de Oro State College-Main Campus.
Kini gibuhat sa maong tulunghaan aron mahatagan ug kahigayonan ang mga graduating students ug alumni nga maplastar ang ilang mga pagpanarbaho.
Atong nakita ang kalipay diha sa mga panagway sa namahimong maka avail sa maong Job Fair.
Mapasalamaton kita sa gihatag nga suporta sa mga nagkadaiyang pampubliko ug pribadong ahensya alang sa kalampusan sa maong aktibidad ug ni Davao de Oro State College (DdOSC) President, Dr. Christie Jean Villanueva Ganiera sa kanunay na pag imbita kanato sa mga aktibidad sa ilang tulunghaan ato gipasalig nga padayon ang suporta sa lokal nga kagamhanan sa Compostela sa mga plano ug programa sa kalamboan sa DDOSC.
63rd Araw ng Osmeña & 15th Pinusoan Festival didto Barangay Osmeña, Compostela
Mitambong kita sa gipahitabo nga 63rd Araw ng Osmeña & 15th Pinusoan Festival didto Barangay Osmeña, Compostela.
Atong gipaabot ang atong pagtimbaya sa mga opisyales sa maong barangay pinanguluhan sa ilang Punong Barangay nga si Hon. Lolito C. Pavia sa paghatag ug usa ka pinasahi nga selebrasyon alang sa ilang mga katawhan.
Sa atong mensahe atong gayung gipaabot nga padayon ang atong all-out nga suporta sa matag barangay alang sa kalampusan sa ilang mga aktibidad.
Mihatag pud kita ug P85,000.00 kantidad atol sa atong pag-adto aron usab ilang maggamit sa uban pang mga aktibidades nga ilang pagahitaboon.
Local Health Board Meeting
Kauban ang Local Health Board sa Munisipyo sa Compostela nagpahigayon kita ug Meeting aron atong mahibal-an ang mga katikaran sa mga aktibidades sa atong Municipal Health Office.
Atong nadungog ang mga updates gikan sa atong DOH Representative Ma’am Regina Batalon ilabi na gayud ang deployment sa mga personahe under the DOH.
Busa, atong gipasalig nga padayon ang atong pagpaningkamot aron mapalambo ang atong mag health programs and projects diri sa Compostela.
Local School Board Meeting
Kauban ang Local School Board sa atong Munisipyo sa Compostela mipahigayon kita ug Meeting aron paghisgot sa mga nagkadaiyang updates ug concerns sa mga pampublikong tulunghaan diri sa Compostela.
Ato gayud nga gipaningkamotan nga sa matag bulan atong madungog ang mga nagkadaiyang programa ug aktibidad sa atong mga eskwelahan.
Mapasalamaton kita sa suporta sa atong mga personahe nga gikan sa Department of Education sa paghatag ug higayon aron magmalampuson ang maong meeting.