MAY 31, 2023 ACTIVITY POST
Ginang ng Maparat atol sa selebrasyon sa 42nd Araw ng Barangay Maparat, Compostela
Malipayon kitang nakasaksi sa gipahitabong Ginang ng Maparat atol sa selebrasyon sa 42nd Araw ng Barangay Maparat, Compostela karong gabhiona, Mayo 31, 2023, kun diin garbosong girampa sa atong mga partisipante ang ilang kaanyag ug ang ilang talagsaon nga mga talento.
Bibo usab nga pagkiay ang gipahinungod sa atong mga Barangay Officials agig suporta sa maong gipahitabong selebrasyon.
Sabay sa maong pasundayag ang maabtikon natong Sangguniang Bayan Members na sila Hon. Juric Blanco ug Hon. Haidee Suarez-Jimenez.
Happy 42nd Araw ng Barangay Maparat! Daghang salamat sa inyong imbitasyon.
Compostela Central Elementary School- SPED Center
Mipahigayon kita ug pagbisita sa Compostela Central Elementary School- SPED Center aron pagsusi sa delay sa implementasyon sa atong ALS Building sa DepEd Compostela East District. Kauban ang atong East District Supervisor, Dr. Maroja R. Belisario, CCESSC Principal, Dr. Ivy Y. Grajo ug CNHS Principal, Sir Norman Jandog mitan-aw kita sa actual site sa maong proyekto arong makita ang kasamtangang progreso nini.
Usa kini sa mga proyekto nga atong gifundingan sa atong Special Education Fund isip tabang sa atong ALS.
Mibisita pud kita sa mga nagkadaiyang classroom sa Compostela Central Elementary School aron atong malantaw ang estado sa pagtoon sa mga estudyante.
Atong ipasalig nga maningkamot kita nga makahatag ug mga proyekto aron masigurado nga mahatagan ug dekalidad nga edukasyon ang atong mga kabataan.
25th IB (Bravo) Company sa atong Philippine Army
Malipayon natong giabi-abi ang atong Sangguniang Kabataan Municipal Federation President, Hon. Brigil Rey G. Lorono kauban ang mga personahe gikan sa 25th IB (Bravo) Company sa atong Philippine Army nga mipahigayon ug Courtesy Call didto sa atong opisina.
Kini aron pagpa-abot sa ilang plano nga magpahitabo ug Youth Camp diri sa atong Lungsod.
Atong gipasabot nga all out gayud ang atong suporta sa maong programa pero gikinahanglan nato masiguro nga adunay konkreto nga plano sa pagpahitabo niini.
Sayod jud kita ang pinaagi niining maong mga programa atong mahatagan ug dakong kalambigitan ang atong mga kabataan nga makatabang sa ilang kalambuan.