LEVEL UP SA SERBISYO MAY 8, 2024
Sunog sa Phase 2, NHA Maparat
Karung hapona atong personal nga napaabot sa pamilyang Lofranco nga usa sa apektado sa nahitabong sunog sa Phase 2, NHA Maparat, ang Family Kit (Kaldero, gamit sa kusina, hygiene kits, gamit pangtulog), Sack of Rice, can goods ug Cash Assistance nga diin gikan sa lokal nga panggamhanan.
Nakita gayud nato ang dakong kadaot sa maong sunog. Busa, nanghinaot kita nga ang atong katawhan magma-igmat aron malikayan mahitabong sunog tungod kay dako ang mahimong epekto niini sa pamilyang nahitaboan. Mapasalamaton gihapon kita kay wala gayuy nataho nga casualty sa maong sunog.
Dako pud ang atong pasalamat sa BFP Compostela sa ilang pagtabang sa insidente sa sunog aron dili na kini makadaot o mukatay pa ug sa atong Congresswoman Maria Carmen Zamora sa iyang paggiya kanato sa mga angayan natong pagabuhaton aron mas mapadali ang atong paghatag ug hinabang sa mga panghitabo nga susama niini tungod kay atong nakita nga nanginahanglan gayud ug hinanaling tabang ang pamilyang nahitaboan.
Courtesy Call – Task Force Kasanag
Mipahigayon ug Courtesy Call sa atong opisina ang miyembro sa Task Force Kasanag-Compostela. Kini aron pagpaabot kanato sa ilang pagpasalamat sa namahimo natong tabang sa ilang organisasyon. Gipadayag usab nila kanato ang ilang mga plano ug programa alang sa kalambuan.
Ang Task Force Kasanag usa sa mga Force Multipliers nga maoy kanunay partner sa atong kapulisan sa pagbantay sa segura đa sa panahon nga aduna kitay mga dagkong aktibidad diri sa Compostela.
Busa, mapasalamaton kita sa gipakitang kadasig sa mga miyembro sa TF Kasanag aron makatabang sa katawhan sa Compostela ilabi na gayud pagpadayon sa kahapsay ug kalinaw sa atong komunidad.