General PTA Assembly Meeting nga gipahigayon sa Mambusao Elementary School ug Compostela National High School

Ang General PTA Assembly Meeting nga gipahigayon sa Mambusao Elementary School ug Compostela National High School diin malampusong gitambongan sa atong Acting Mayor Ricky P. Hechanova inubanan sa atong mga sangguniang bayan members, School Principals, magtutudlo, PTA Officials, ginikanan ug stakeholders sa maong mga tulunghaan.

Pipila ka mga importante nga mga hilisgotan sa matag eskwelahan ang mabinantayon nga gihisgutan sa mga mamumulong, magtutudlo ug mga ginikanan ug sa pagkatinuod, ang matag usa gihatagan og kagawasan sa pagpaminaw sa ilang kaugalingong tingog, komento ug sugyot. Ang tanang komento ug sugyot maampingong gitala sa atong Acting Mayor Ricky P. Hechanova aron kini mapaabot sa atong Mayor Levi S. Ebdao ug mapangitaan ug mga solusyon.

Dako gayod ang suporta sa atong lokal na panggamhanan ngadto sa kalamboan sa institusyon ug sa matag batan-on tungod sa ilang dakong kontribusyon ug partisipasyon sa matag pangandoy ug programa sa matag eskwelahan.