SEPTEMBER 16, 2022 ACTIVITY POST
Courtesy Call to 1st District of Davao de Oro Congresswoman
Karung adlawa, nagpahigayon ug Courtesy Call ang atong Mayor Levi S. Ebdao kauban ang atong mga Punong Barangays ning atong Lungsod sa opisina sa atong 1st District of Davao de Oro Congresswoman, Hon. Maria Carmen Zamora nga girepresentahan sa iyang Chief of Staff nga si Ma’am Prosperidad Reterba.
Mapasalamaton ang atong Mayor Levi Ebdao ngadto sa atong Congresswoman, Hon. Maricar Zamora pinaagi sa iyang Chief of Staff, Ma’am Prosperidad Reterba sa ilang makanunayong suporta alang sa Lungsod sa Compostela pinaagi sa paghatag ug mga programa ug proyekto nga haom sa pinginahanglanon sa atong mga katawhan.
Ubay-ubay gayud nga programa ug proyekto ang atong nadawat tungod sa inisyatibo sa atong inahan sa Distrito Uno, Congresswoman Maricar Zamora.
PP340 Employees Meeting
Karung adlawa, personal nga gibisita sa atong Mayor Levi S. Ebdao kauban ang atong Municipal Vice Mayor, Hon. Ricky Hechanova ug mga konsehales ning atong Lungsod, ang mga trabahante sa PP340 nga nawad-an ug trabaho tungod sa pagkunhod sa production sa atong mga saging.
Gipasabot sa atong Mayor Levi Ebdao nga padayon ang pagpaningkamot sa atong Lokal nga Panggamhanan aron mahatagan ug assistance ang maong mga trabahante pinaagi sa pakig-alayon sa mga ahensiya sa gobyerno sama sa DOLE, DSWD ug DTI ug uban pang ahensiya nga mamahimong makatabang sa kasamtangang kahimtang sa atong mga apektadong trabahante.
Good Manufacturing Practices ug Food Safety Seminar
para sa atong mga Balut Vendors, Ambulant Vendors ug Night Market Vendors sa atong lungsod, nagipasiugdahan sa Department of Trade and Industry (DTI) Davao De Oro sa pakigtambayayong sa LGU Compostela pinaagi sa Negosyo Center, gitambongan kini sa atong Mayor Hon. Levi S. Ebdao ug kini namahimong usa ka malampuson ug mabungahon na makatabang nga pagbansay sa atong kaubanan nga mga vendor sa atong lungsod.
Committees alang sa selebrasyon sa ika-122nd Philippine Service Anniversary
Kagahapong adlawa, September 15, 2022, ang atong Committees alang sa selebrasyon sa ika-122nd Philippine Service Anniversary kauban ang nagkadaiyang representante sa matag Team nagpahigayon ug Meeting didto sa SB Session Hall.
Gipahitabo kini nga meeting aron maplastar ang mga aktibidades alang sa atong CS Month Celebration.
National Clean-Up Month
In support to the Proclamation No. 470, declaring the month of September as the National Clean-Up Month, the Local Government Unit of Compostela thru the leadership of our Mayor Levi S. Ebdao participated in the Regionwide Synchronized Clean-Up Drive Activity today, September 16, 2022.
This activity aims to promote waste reduction, recycling and reuse and create public awareness on waste management and environmental concerns.
Also, this activity is in line with the strategy implementation of the National Plan of Action for the Prevention, Reduction and Management of Marine Litter and to complement with the “Bayan Ko, Linis Ko” Program of the National Government.
Budget Hearing on Expenditures
Kagahapong adlawa, September 15, 2022, ang Lokal nga Panggamhanan sa Lungsod sa Compostela pinanguluhan sa atong Mayor Levi S. Ebdao nagpahigayon ug Budget Hearing on Expenditures didto sa Conference Room, 2nd Floor of the Office of the Municipal Mayor.
Kini gipahigayon aron paghan-ay sa mga programa ug proyekto nga fundingan sa atong lokal nga panggamhanan sa tuig 2023, ilabi nga gayud nga adunay pagbaba sa atong budget.
Gipasabot gayud sa atong Mayor Levi Ebdao nga i-prioridad ang paghatag ug budget niadtong mga programa ug proyekto nga makatabang aron mapaabot ang tinud-anay nga pagserbisyo ngadto sa atong mga katawhan.
Mapasalamaton ang atong Mayor Levi Ebdao sa malampuson nga pagpahitabo sa among Budget Hearing.