WORLD TEACHERS DAY

Atong October 21, 2022 gipahigayon sa Lokal nga Panggamhanan sa Lungsod sa Compostela pinanguluhan sa atong Mayor Levi Ebdao ang atong World Teachers’ Day Celebration.

Sa buntag adunay kitay Free Services sama sa Haircut ug Hair Trimming, Manicure, Pedicure ug Massage ug pagkagabie mipahigayon usab kita ug programa isip pahalipay sa atong mga magtutudlo ug diin adunay kita paraffle nga gikan gayud sa atong Congresswoman Maria Carmen S. Zamora. Mihatag pud cash ang atong Governor Dorothy Montejo-Gonzaga ug Congresswoman Maria Carmen Zamora aron ihatag ngadto sa tanang mga magtutudlo nga mitambong sa maong selebrasyon.

Malipayon pud ang atong Mayor Levi Ebdao sa suporta sa atong Governor Dorothy Montejo-Gonzaga ug Congresswoman Maria Carmen Zamora ug atong mga konsehales ning lungsod pinaagi sa pagtambong niini sa atong programa tungod kay nabati gayud sa atong mga magtutudlo ang tumang kalipay.

Mipaabot pud sa iyang dakong pagpasalamat ang atong Mayor Levi Ebdao ngadto sa atong mga magtutudlo sa ilang tinud-anay nga pagpaningkamot aron mahatagan ug dekalidad nga edukasyon ang atong mga kabataan.